மறைந்த ஈரான் உச்ச தலைவரின் உடலுக்கு ஹிஸ்புல்லா அமைப்பினர் அஞ்சலி

மறைந்த ஈரானின் உச்ச தலைவர் அயதுல்லா அலி காமேனியின் உடலுக்கு, லெபனானைச் சேர்ந்த ஹிஸ்புல்லா அமைப்பின் உயர்மட்டத் தளபதிகள் மற்றும் முக்கியப் பிரமுகர்கள் நேரில் சென்று தங்களது அஞ்சலியைச் செலுத்தியுள்ளனர்.

தலைநகர் தெஹ்ரானில் நடைபெற்று வரும் இந்த இறுதி அஞ்சலி நிகழ்வில், லெபனான் எதிர்ப்பியக்கத்தின் மறைந்த வரலாற்றுத் தலைவர்களான செய்யித் ஹசன் நஸ்ரல்லா மற்றும் ஹாஜ் இமாத் முக்னியே ஆகியோரின் குடும்பத்தினரும் கலந்துகொண்டனர். 

அவர்கள் ஈரானிய மக்களுடனும், அதிகாரிகளுடனும் தங்களது ஆழ்ந்த இரங்கலைப் பகிர்ந்து கொண்டதோடு, மறைந்த தலைவருக்கு இறுதி மரியாதையையும் செலுத்தினர்.

பிராந்திய அளவில் பெரும் பதற்றத்தை ஏற்படுத்தியுள்ள ஈரான் உச்ச தலைவரின் இந்த மறைவு நிகழ்வில், மத்திய கிழக்கு நாடுகளைச் சேர்ந்த முக்கியப் போராட்டக் குழுக்களின் தலைவர்கள் தொடர்ந்து அஞ்சலி செலுத்தி வருகின்றமை குறிப்பிடத்தக்கது.

இச்செய்திக்கு பிரதான அனுசரணை

வீடியோ இங்கே