மேல் மாகாணத்தில் டெங்கு தொற்றாளர்களால் நிரம்பி வழியும் வைத்தியசாலைகள் : மரணங்கள் அதிகரிக்கும் என எச்சரிக்கை!

மேற்கு மாகாணத்தில் உள்ள பல மருத்துவமனைகள் டெங்கு நோயாளிகளுக்கான தங்களின் முழு கொள்ளளவை எட்டியுள்ளதாக தேசிய டெங்கு கட்டுப்பாட்டுப் பிரிவு தெரிவித்துள்ளது.

நோயாளிகளின் எண்ணிக்கை வேகமாக அதிகரித்துள்ளதால், அவர்களுக்கு சிகிச்சை அளிப்பதும் மிகவும் கடினமாகவும் அபாயகரமாகவும் மாறியுள்ளது என்று டாக்டர் கபில கன்னங்கர தெரிவித்துள்ளார். 

நோயாளிகளின் எண்ணிக்கை அதிகரிப்பதால், எதிர்காலத்தில் இறப்புகளின் எண்ணிக்கையும் அதிகரிக்கக்கூடும் என்றும் அவர் அச்சம் வெளியிட்டுள்ளார். 

நாட்டில் தற்போது 59,638 டெங்கு தொற்றாளர்கள் இனங்காணப்பட்டுள்ள நிலையில், அவர்களில் 52.4 சதவீதமானவர்கள் மேற்கு மாகாணத்தை சேர்ந்தவர்களாவர். 

இதன் காரணமாக, மேற்கு மாகாணத்தில் அதிக சதவீத நோயாளிகளைக் கொண்ட 22 சுகாதார மருத்துவ அதிகாரி பிரிவுகளைத் தேர்ந்தெடுத்து, அந்தப் பகுதிகளை மையமாகக் கொண்டு ஒரு வார கால டெங்கு கட்டுப்பாட்டுத் திட்டத்தைச் செயல்படுத்த நடவடிக்கை எடுக்கப்பட்டுள்ளது.

வார இறுதியில் முன்னேற்றம் மதிப்பாய்வு செய்யப்படும் என்றும், அதற்கேற்ப திட்டம் செயல்படுத்தப்படும் என்றும் அந்த மருத்துவர் மேலும் கூறினார். 

அதேநேரம் தற்போதைய சூழ்நிலையைக் கட்டுப்படுத்துவதற்காக, குறுகிய, நடுத்தர மற்றும் நீண்ட கால அடிப்படையில் மும்முனைத் திட்டம் ஒன்று தயாரிக்கப்பட்டுள்ளதாகவும் வைத்தியர் மேலும் கூறியுள்ளார். 

இச்செய்திக்கு பிரதான அனுசரணை

வீடியோ இங்கே