இராணுவ சேவையை தொடங்கிய முதல் டேனிஷ் அரச குடும்பப் பெண் இளவரசி இசபெல்லா

டென்மார்க்கின் இளவரசி இசபெல்லா தனது இராணுவ சேவையை அதிகாரப்பூர்வமாக தொடங்கியுள்ளார்.

இதன் மூலம், முழுமையான இராணுவ கட்டாய சேவைக்கு உட்பட்ட டேனிஷ் அரச குடும்பத்தின் முதல் பெண் உறுப்பினர் என்ற பெருமையை அவர் பெற்றுள்ளார். 

19 வயதான இவர், ஆகஸ்ட் 3 அன்று ஸ்லாகெல்ஸில் உள்ள அன்ட்வோர்ஸ்கோவ் இராணுவ முகாமில் பணிக்குச் சேர்ந்துள்ளார். 

பத்தாம் ஃபிரடெரிக் மன்னர் மற்றும் மேரி ராணியின் மூத்த மகளான இவர், உயர்நிலைப் பள்ளிப் படிப்பை முடித்த சில வாரங்களிலேயே கார்ட் ஹுசார் படைப்பிரிவில் சேர்ந்தார். 

இளவரசி இசபெல்லா, தனது மூத்த சகோதரரும் பட்டத்து இளவரசருமான கிறிஸ்டியனின் அடிச்சுவடுகளைப் பின்பற்றுகிறார். 

கிறிஸ்டியன் அதே ராணுவ முகாமில் தனது ராணுவ சேவையை முடித்து, தற்போது இரண்டாம் லெப்டினன்டாகப் பயிற்சி பெற்று வருகிறார். 

டென்மார்க்கின் அரச குடும்ப உறுப்பினர்கள் பாரம்பரியமாக ஆயுதப் படைகளில் பணியாற்றி வருகின்றனர், ஆனால் நாட்டின் விரிவாக்கப்பட்ட திட்டத்தின் கீழ், கட்டாய ராணுவ சேவையை நிறைவு செய்த அரச குடும்பத்தைச் சேர்ந்த முதல் பெண் இசபெல்லா ஆவார்.

மற்ற படைவீரர்களைப் போலல்லாமல், இளவரசி இசபெல்லா, கட்டாய இராணுவ சேவைக்கு வருபவர்களுக்கு வழக்கமாக வழங்கப்படும் சம்பளம் அல்லது தினப்படியைப் பெறமாட்டார். 

அவர் அந்தப் பணத்தைப் பெற மறுத்து, தனது இராணுவ சேவையின் போது பெற்றோரின் நிதி உதவியையே நம்பியிருப்பார் என்று டேனிஷ் அரச குடும்பம் உறுதிப்படுத்தியுள்ளது.

டென்மார்க்கில் கட்டாய இராணுவ சேவைக்கு வருபவர்கள், பொதுவாகத் தங்களின் 11 மாத கால சேவையின் போது, ​​வரி இல்லாத தினப்படியுடன் மாதாந்திர சம்பளத்தையும் பெறுவார்கள்.

இச்செய்திக்கு பிரதான அனுசரணை

வீடியோ இங்கே