பேய்கள் கட்டிய கோயிலா இது? மாலை 6 மணிக்குப் பிறகு நடப்பது என்ன?

மத்தியப் பிரதேசத்தின் சிகோனியா பகுதியில் அமைந்துள்ள கக்கன்மாத் சிவன் கோயில், சுமார் 115 அடி உயரம் கொண்ட பழமையான மற்றும் மர்மங்கள் நிறைந்த கோயிலாகும்.

குவாலியர் நகரத்திலிருந்து சுமார் 65 கிலோமீட்டர் தொலைவில் அமைந்துள்ள இந்தக் கோயில், அதன் வித்தியாசமான கட்டுமான முறையால் இன்றளவும் பலரையும் வியப்பில் ஆழ்த்துகிறது.

பொதுவாக பெரிய கட்டிடங்களை உருவாக்க கற்களை இணைக்க சிமெண்ட் அல்லது சுண்ணாம்பு பயன்படுத்தப்படும். 

ஆனால், கக்கன்மாத் கோயில் எந்தவிதமான பசைக் கலவையும் இல்லாமல் வெறும் கற்களை ஒன்றின் மீது ஒன்றாக அடுக்கி கட்டப்பட்டதாகக் கூறப்படுகிறது. 

பல நூற்றாண்டுகளாக மழை, காற்று உள்ளிட்ட இயற்கைச் சீற்றங்களைத் தாங்கியும் இந்தக் கோயில் கம்பீரமாக நிலைத்து நிற்கிறது. இந்தக் கோயில் உருவானது குறித்து இரண்டு விதமான தகவல்கள் உள்ளன. 

வரலாற்றின்படி, 11-ஆம் நூற்றாண்டில் கச்சபகத வம்சத்தைச் சேர்ந்த மன்னர் கீர்த்திராஜாவின் மனைவி ககன்வதி, சிவபெருமானின் தீவிர பக்தையாக இருந்ததால் அவரது வேண்டுகோளின்படி இந்தக் கோயில் கட்டப்பட்டதாகக் கூறப்படுகிறது.

அதே நேரத்தில், உள்ளூர் மக்களிடையே ஒரு சுவாரஸ்யமான நம்பிக்கையும் உள்ளது.

சிவபெருமானின் கட்டளையின்படி பேய்களும் பூதங்களும் ஒரே இரவில் இந்தக் கோயிலைக் கட்டியதாகவும், அதிகாலை நெருங்கியதும் அவற்றின் சக்தி குறைந்ததால் கட்டுமானத்தை முடிக்காமல் சென்றதாகவும் கதை சொல்லப்படுகிறது.

மர்மமும் வரலாறும் கலந்துள்ள இந்தக் கோயில் காலை 6 மணிக்குத் திறக்கப்பட்டு மாலை 6 மணிக்கு மூடப்படுகிறது. மாலை நேரத்திற்குப் பிறகு பொதுமக்களுக்கு அனுமதி இல்லை.

இதனால், கக்கன்மாத் சிவன் கோயில் இன்றும் இந்தியாவின் வியப்பூட்டும் வரலாற்றுச் சின்னங்களில் ஒன்றாகத் திகழ்கிறது.

இச்செய்திக்கு பிரதான அனுசரணை

வீடியோ இங்கே