இம்ரான் கானை மருத்துவமனைக்கு மாற்ற பாகிஸ்தான் உச்ச நீதிமன்றம் உத்தரவு

பாகிஸ்தானின் முன்னாள் பிரதமர் இம்ரான் கானின் உடல்நிலை மோசமடைந்து வருவதால், சிறையில் உள்ள அவரை ஒரு தனியார் மருத்துவமனைக்கு மாற்றுமாறு உச்ச நீதிமன்றம் உத்தரவிட்டுள்ளது. 

அடியாலா சிறையிலிருந்து வந்த அவரது சமீபத்திய மருத்துவ அறிக்கைகளை மேற்கோள் காட்டி கவலை தெரிவித்திருந்த அவரது பாகிஸ்தான் தெஹ்ரீக்-இ-இன்சாஃப் (பிடிஐ) கட்சி மற்றும் குடும்பத்தினரின் நீண்டகால கோரிக்கைக்கு பதிலளிக்கும் விதமாக இந்த உத்தரவு பிறப்பிக்கப்பட்டுள்ளது.

பிடிஐ செய்தித் தொடர்பாளர் நயீம் ஹைதர் பஞ்சுதா, கான் 48 மணி நேரத்திற்குள் ஷிஃபா சர்வதேச மருத்துவமனைக்கு மாற்றப்பட்டு, செப்டம்பர் 16 வரை அங்கேயே தங்கியிருக்க வேண்டும் என்று உச்ச நீதிமன்றம் உத்தரவிட்டுள்ளது என குறிப்பிட்டுள்ளார்.

இந்நிலையில், கான் மற்றும் அவரது குடும்ப உறுப்பினர்களுக்கு இடையே வாராந்திர சந்திப்புகளை நடத்தவும் நீதிமன்றம் உத்தரவிட்டுள்ளது.

இருப்பினும், கானின் மருத்துவ அறிக்கைகளை ஊடகங்களுடன் பகிரவோ அல்லது இந்த விவகாரத்தை அரசியல்மயமாக்கவோ கூடாது என்று அவரது வழக்கறிஞர்களுக்கும் குடும்பத்தினருக்கும் நீதிமன்றம் உத்தரவிட்டுள்ளது.

இச்செய்திக்கு பிரதான அனுசரணை

வீடியோ இங்கே