நெதன்யாகுவுக்கு எதிராக இன்டர்போல் சிவப்பு அறிவிப்பை கோரும் துருக்கி

காசாவிற்கு மனிதாபிமான உதவிகளை வழங்கச் சென்ற ஆர்வலர்கள் மீதான தாக்குதல் தொடர்பான உள்நாட்டுக் குற்றவியல் வழக்கின் ஒரு பகுதியாக, இஸ்ரேலியப் பிரதமர் பெஞ்சமின் நெதன்யாகுவைக் கைது செய்ய இன்டர்போல் சிவப்பு அறிவிப்பைக் கோரப்போவதாக துருக்கி தெரிவித்துள்ளது.

நேட்டோ உறுப்பு நாடான துருக்கி, காசா மீதான இஸ்ரேலின் தாக்குதலின் மிகக் கடுமையான விமர்சகர்களில் ஒன்றாக இருந்து வருகிறது. 

மேலும், அங்கு நடக்கும் போர் தொடர்பாக நெதன்யாகுவிற்கு எதிராக இதற்கு முன்னர் உள்நாட்டுக் கைது வாரண்டுகளையும் பிறப்பித்துள்ளது. 

இஸ்ரேலின் மனித உரிமைகள் மற்றும் சர்வதேசச் சட்ட மீறல்கள் என்று அங்காரா அழைக்கும் செயல்களுக்கு எதிராக சர்வதேச நடவடிக்கைகளை எடுக்க வேண்டும் என்று அது மீண்டும் மீண்டும் வலியுறுத்தி வருகிறது.

இஸ்ரேல் அந்தக் குற்றச்சாட்டுகளை மறுக்கிறது. மே மாதத்தில், சர்வதேச கடல் பகுதியில் இஸ்ரேலால் முந்தைய உதவிப் பணிகள் இடைமறிக்கப்பட்ட பின்னர், காசா பகுதிக்கு உதவிகளை வழங்க மீண்டும் முயற்சி மேற்கொண்ட குளோபல் சுமுத் கப்பல் படையைச் சேர்ந்த குறைந்தது இரண்டு கப்பல்கள் மீது இஸ்ரேலியப் படைகள் துப்பாக்கிச் சூடு நடத்தின.

X தளத்தில் பதிவிட்ட ஒரு செய்தியில், துருக்கிய நீதித்துறை அமைச்சர் அகின் குர்லெக், சர்வதேச கடல் பகுதியில் இஸ்ரேல் மேற்கொண்ட இடைமறிப்பு தொடர்பாக 35 பேர் மீது தொடரப்பட்ட வழக்கின் ஒரு பகுதியாக, இனப்படுகொலை, மனிதகுலத்திற்கு எதிரான குற்றங்கள் மற்றும் சித்திரவதை உள்ளிட்ட குற்றச்சாட்டுகளின் பேரில் நெதன்யாகு மற்றும் மற்றொரு சந்தேக நபருக்கு கைது வாரண்டுகள் பிறப்பிக்கப்பட்டுள்ளதாகக் தெரிவித்துள்ளார்.

இச்செய்திக்கு பிரதான அனுசரணை

வீடியோ இங்கே