நாடு முழுவதும் கொட்டி தீர்க்கும் மழை - 100MM மழைவீழ்ச்சிக்கு வாய்ப்பு!
இலங்கைக்கு அருகிலுள்ள தாழ்வழுத்த வளிமண்டலக் கோளாறு, ஒரு தாழ்வழுத்தப் பகுதியாக உருவாகியுள்ளது என வானிலை ஆய்வுத் துறை தெரிவித்துள்ளது.
இந்த அமைப்பின் தாக்கத்தால், இன்று (22) நாடு முழுவதும் மற்றும் நாட்டைச் சுற்றியுள்ள ஆழ்கடல் மற்றும் ஆழமற்ற கடல் பகுதிகளிலும் மழைப்பொழிவு அதிகரிக்கும் என எதிர்பார்க்கப்படுகிறது.
இது தொடர்பாக வானிலை ஆய்வுத் துறையால் வெளியிடப்படும் எதிர்கால முன்னறிவிப்புகள் மற்றும் அறிவிப்புகளை, பொதுமக்கள் உட்பட மீன்பிடி மற்றும் கடற்பயண சமூகத்தினர் கவனத்தில் கொள்ளுமாறு கேட்டுக் கொள்ளப்படுகிறார்கள்.
அறிவிப்பின்படி, மேற்கு, சபரகமுவ, மத்திய, தெற்கு மற்றும் வடமேற்கு மாகாணங்களிலும், மன்னார் மாவட்டத்திலும் அவ்வப்போது மழை அல்லது இடியுடன் கூடிய மழை பெய்யும்.
மேலும் அப்பகுதிகளில் வானம் மேகமூட்டத்துடன் காணப்படும். பிற்பகல் 1.00 மணிக்குப் பிறகு நாட்டின் மற்ற பகுதிகளில் 100 MM மழை அல்லது இடியுடன் கூடிய மழை பெய்யக்கூடும்.
இடியுடன் கூடிய மழையின்போது ஏற்படக்கூடிய தற்காலிக பலத்த காற்று மற்றும் மின்னலால் உண்டாகும் சேதங்களைக் குறைப்பதற்குத் தேவையான நடவடிக்கைகளை மேற்கொள்ளுமாறு பொதுமக்கள் அன்புடன் கேட்டுக்கொள்ளப்படுகிறார்கள்.
