பாகிஸ்தானில் கலோத் மன்னரின் மகன் தனது 3 பாதுகாவலர்களுடன் கடத்தல்
கலாத்தின் தற்போதைய கான் (மிர் சுலைமான் தாவூத் ஜான் அகமதுசாய்) என்பவரின் மகனான இளவரசர் முஹம்மது கான் அகமதுசாய், பாகிஸ்தானின் பலூசிஸ்தான் மாகாணத்தில் தனது மூன்று பாதுகாவலர்கள்/துப்பாக்கி ஏந்திய நபர்களுடன் சேர்த்து கடத்தப்பட்டுள்ளார்.
குவெட்டாவில் உள்ள காவல்துறை தலைமையகம் வெளியிட்டுள்ள அறிக்கையின்படி, குஸ்தாரிலிருந்து கலாத் நோக்கிச் சென்றுகொண்டிருந்த இளவரசர் அகமதுசாயின் வாகனத்தை, ஆயுதமேந்திய நபர்கள் வழிமறித்து அவரை கடத்திச் சென்றுள்ளனர்.
அவருடன் இருந்த மூன்று பாதுகாவலர்களையும் அந்த ஆயுததாரிகள் கடத்திச் சென்று, அவர்களை எங்கோ ஒரு ரகசிய இடத்திற்கு அழைத்துச் சென்றுள்ளதாக காவல்துறை தெரிவித்துள்ளது.
'கலாத் கான்' என்பது, தற்போதைய பாகிஸ்தானின் பலுசிஸ்தான் மாகாணத்தில் அமைந்திருந்த, பிராஹுயி (Brahui) இனத்தவர் தலைமையிலான 'கலாத் கானேட்' (Khanate of Kalat) எனும் முன்னாள் சமஸ்தானத்தின் ஆட்சியாளர்களுக்கு வழங்கப்பட்ட வரலாற்றுச் சிறப்புமிக்க பட்டமாகும்.
கலாத் கானின் தற்போதைய ஆட்சியாளரான சுலைமான் தாவூத், ஐக்கிய இராச்சியத்தில் (வேல்ஸ் பகுதியில்) வசித்து வருகிறார்.
பலுசிஸ்தானின் அரசியல் ஒற்றுமையை உருவாக்குவதிலும், பலூச் மக்களுக்கு ஒரு தனித்துவமான இறையாண்மை அடையாளத்தையும் கலாச்சார பெருமிதத்தையும் பெற்றுத் தருவதிலும் வரலாற்று ரீதியாக முக்கியப் பங்காற்றியுள்ளதால், கலாத் கானின் குடும்பத்தினர் பலுசிஸ்தானில் மிகுந்த மரியாதையுடன் போற்றப்படுகின்றனர்.
