செயற்கை நுண்ணறிவின் ஆலோசனையைப் பின்பற்றிய 31 வயது பெண் மரணம்
மென்பொருள் பொறியாளரான போவென் வான் (Bowen Wan), மருத்துவர்கள் மற்றும் நிபுணர்களுக்குப் பதிலாக செயற்கை நுண்ணறிவை (AI) நம்பியதால் தனது உயிரை இழந்துள்ளார்.
31 வயதான போவென் வானின் பெற்றோர், OpenAI நிறுவனம் மற்றும் அதன் தலைமை நிர்வாக அதிகாரி சாம் ஆல்ட்மேன் (Sam Altman) மீது வழக்குத் தொடர்ந்துள்ளனர். ChatGPT வழங்கிய தவறான வழிகாட்டுதலே தங்கள் மகளின் மரணத்திற்கு வழிவகுத்ததாக அவர்கள் குற்றம் சாட்டியுள்ளனர்.
அந்த அறிக்கையின்படி, சியாட்டிலில் வசித்து வந்த அவர், வலிப்பு நோய்க்கான மருந்துகளை படிப்படியாகக் குறைக்கும்படி AI சாட்பாட் (AI chatbot) வழங்கிய அறிவுறுத்தல்களைப் பின்பற்றியதைத் தொடர்ந்து, பிப்ரவரி மாதம் உயிரிழந்தார்.
வான் தனது தந்தையுடன் தொலைபேசியில் பேசிக்கொண்டிருந்தபோது, திடீரெனப் பேசுவதை நிறுத்தினார். அவருக்கு வலிப்பு ஏற்பட்டிருக்கலாம் என்று கருதப்படுகிறது.
சில நாட்களுக்குப் பிறகு, அவர் அழைப்புகளுக்குப் பதிலளிக்காததால், அவரது பெற்றோர் வேறொரு நபரை அனுப்பி அவரைச் பார்க்கச் தெரிவித்துள்ளார்கள்.
அவரது நண்பர் ஒருவர் அவரது வீட்டிற்குச் சென்றபோது, அவர் இறந்து கிடப்பதைக் கண்டறிந்தார். இந்தச் செய்தியைக் கேட்டு அதிர்ச்சியடைந்த அவர்களால், என்ன நடந்தது என்பதைப் புரிந்துகொள்ள முடியவில்லை. பின்னர், வலிப்பு நோயின் சிக்கலான பாதிப்பால் அவர் உயிரிழந்ததாக அவர்களுக்குத் தெரிவிக்கப்பட்டது.
கடந்த பத்தாண்டுகளுக்கும் மேலாக அவர் இந்த நோயை மிகவும் கவனமாகவும் வெற்றிகரமாகவும் கையாண்டு வந்த நிலையில், அவர் இவ்வாறு உயிரிழந்ததை அவர்களால் நம்ப முடியவில்லை என்று அந்த அறிக்கையில் குறிப்பிடப்பட்டுள்ளது.
