பொலன்னறுவையில் சஜித் பிரேமதாச தலைமையில் கட்சி உறுப்பினர் ஊக்குவிப்பு நிகழ்ச்சிகள் ஆரம்பம்!
பொலன்னறுவையில் சஜித் பிரேமதாச தலைமையில் கட்சி உறுப்பினர் ஊக்குவிப்பு நிகழ்ச்சிகள் ஆரம்பம்! ஐக்கிய மக்கள் சக்தியின் (SJB) உறுப்பினர்களை ஊக்குவித்து கட்சியின் அமைப்பைப் பலப்படுத்தும் நோக்கில், எதிர்க்கட்சித் தலைவர் சஜித் பிரேமதாச மற்றும் கட்சியின் அனைத்து நாடாளுமன்ற உறுப்பினர்களின் தலைமையில் பொலன்னறுவை மாவட்டத்தில் உறுப்பினர் ஊக்குவிப்பு நிகழ்ச்சிகள் முன்னெடுக்கப்பட்டுள்ளன.
இதன் முதலாம் நாள் நிகழ்வு இன்று (31.10.2026) நடைபெற்றது. இதனுடன் இணைந்ததாக, 'சசுனட்ட அருண' (சாசனத்திற்கு விடியல்) வேலைத்திட்டத்தின் கீழ், மெதிரிகிரிய பிரதேச செயலகப் பிரிவிலுள்ள பஹல அம்பகஸ்வெவ ஸ்ரீ சாக்கிய முனிந்தாராம விகாரையின் அபிவிருத்திப் பணிகளுக்காக எதிர்க்கட்சித் தலைவர் சஜித் பிரேமதாச சீமெந்து மூடைகளை வழங்கி வைத்தார்.
அத்துடன், புதிதாக நிர்மாணிக்கத் திட்டமிடப்பட்டுள்ள சமாதி புத்தர் சிலைக்கான அடிக்கல் நாட்டும் நிகழ்வும் இதன்போது இடம்பெற்றது. இந்தப் புண்ணிய நிகழ்வில் தாமும் கலந்துகொண்டதாக நிகழ்வில் பங்கேற்ற ஒருவர் தெரிவித்துள்ளார்.
'ஒரே மாற்று – சஜித் மற்றும் குழுவினர்' என்ற தொனிப்பொருளில் முன்னெடுக்கப்படும் இச்செயற்பாடுகள், பொலன்னறுவை மாவட்டத்தில் கட்சி உறுப்பினர்களை ஒருங்கிணைப்பதையும் கட்சியின் செயற்பாடுகளை விரிவுபடுத்துவதையும் நோக்கமாகக் கொண்டுள்ளன.
