இந்தோனேசியா ஜனாதிபதியின் தொலைபேசி உரையாடல்களை ஒட்டுக் கேட்ட 3 காவல்துறை அதிகாரிகள் கைது

ஜனாதிபதி பிரபோவோ சுபியாண்டோ மற்றும் பல முக்கிய பிரமுகர்களின் தொலைபேசி உரையாடல்களை சட்டவிரோதமாக ஒட்டுக் கேட்டதாகக் கூறப்படும் குற்றச்சாட்டில், மூன்று அதிகாரிகளை இந்தோனேசிய காவல்துறை கைது செய்துள்ளது.

சாட்சிகளிடம் விசாரணை நடத்தியும், ஆதாரங்களைக் கைப்பற்றியும், அந்த மூன்று அதிகாரிகளும் சந்தேக நபர்களாகக் கண்டறியப்பட்டுள்ளதாக தேசிய காவல்துறையின் குற்றப் புலனாய்வுப் பிரிவின் தலைவர் குறிப்பிட்டுள்ளார்.

சட்டவிரோதமாகத் தகவல் தொடர்புகளை இடைமறித்தது, அனுமதியின்றி மின்னணு அமைப்புகளை அணுகியது மற்றும் மின்னணுத் தரவுகளை நீக்கியது ஆகிய குற்றச்சாட்டுகளுக்காக சந்தேக நபர்கள் விசாரிக்கப்பட்டு வருகின்றனர்.

ஜனாதிபதியின் தலைமை உதவியாளர் ஜெனரல் லிஸ்டியோ சிகீத் பிரபோவோ, தேசிய காவல்துறையின் சட்டப் பிரிவுத் தலைவர் இன்ஸ்பெக்டர் ஜெனரல் ஆரி சோண்டா நசுஷன் மற்றும் தேசிய காவல்துறை கல்வி மற்றும் பயிற்சி நிறுவனத்தின் மூத்த பயிற்றுவிப்பாளரான இன்ஸ்பெக்டர் ஜெனரல் எகோ ஹாடி சந்தோசோ ஆகியோரே சந்தேக நபர்களாக காவல்துறை அடையாளம் கண்டுள்ளது.