ஐரோப்பாவில் பல விமானங்களுக்கு போலி வெடிகுண்டு மிரட்டல்கள்
ஐரோப்பாவில் பல விமானங்களுக்கு வெடிகுண்டு மிரட்டல்கள் விடுக்கப்பட்டுள்ளதாக தெரிவிக்கப்பட்டுள்ளது.
இதனால், பிரான்ஸ், இத்தாலி மற்றும் பல்கேரியாவில் உள்ள விமான நிலையங்களுக்கு அவசரமாகத் தரையிறங்கவும், தேடுதல் வேட்டை நடத்தவும், இராணுவப் பாதுகாப்புடன் செல்லவும் நிர்பந்திக்கப்பட்டன.
இந்த வாரத் தொடக்கத்தில் தொடர்ச்சியாக வந்த போலி மிரட்டல்களைத் தொடர்ந்து, இவையும் ஒன்று என்று அறிவிக்கப்பட்டுள்ளது.
கோபன்ஹேகன், டப்ளின், ஹெல்சிங்கி, மாட்ரிட், மிலன் மற்றும் வார்சா உள்ளிட்ட நகரங்களிலிருந்து புறப்பட்ட பத்துக்கும் மேற்பட்ட விமானங்கள் வெடிகுண்டு மிரட்டல்களுக்கு உள்ளானது உறுதி செய்யப்பட்டுள்ளது.
அவற்றில் பெரும்பாலானவை அவசரமாகத் தரையிறங்குவதற்காக மற்ற விமான நிலையங்களுக்குத் திருப்பிவிடப்பட்டன, மற்றவை தங்கள் சேருமிடங்களில் பாதுகாப்பாகத் தரையிறங்கின.
இதுவரை நடத்தப்பட்ட சோதனைகளில் அபாயகரமான அல்லது சந்தேகத்திற்கிடமான பொருட்கள் எதுவும் கண்டறியப்படவில்லை.
ஐரோப்பா முழுவதும் உள்ள விமானங்கள் "தீங்கிழைக்கும் போலி மிரட்டல்களால்" பாதிக்கப்பட்டுள்ளதாக பிரிட்டனின் போக்குவரத்துச் செயலாளர் ஹைடி அலெக்சாண்டர் பிரிட்டிஷ் ஒளிபரப்பாளர்களிடம் தெரிவித்தார்.
