கவலையை மறக்க என்ன செய்ய வேண்டும்?

• கவலையை மறக்க என்ன செய்ய வேண்டும் என்பதற்காக  உதாரணத்திற்காக ஒரு சூஃபி கதை.
• ஒருவன் வாழ்க்கையில் மிகுந்த கவலையில் இருந்தான். தினமும் ஆண்டவனிடம் ஏன் எனக்கு இவ்வளவு பிரச்சனைகளை கொடுக்கிறாய், சிறிது கருணை காட்ட கூடாதா என மன்றாடினான்.
• பல நாட்கள் இப்படி கழிய,
• ஒரு நாள், ஒரு குரல் கேட்டது - நாளை காலை உன் கவலைகளை எல்லாம் ஒரு மூட்டை கட்டி கோவில் முன்னே இருக்கும் மைதானத்திற்கு கொண்டுவா, உனக்கு ஒரு விடை அளிக்கிறேன் என்று.
• அவனும் எல்லா கவலைகளையும் ஒரு பெரிய மூட்டை கட்டி மறு நாள் காலை கொண்டு போனான்.
• போகும் வழியில் பார்த்தால், கிராமத்தில் எல்லோரும் தம் தம் மூட்டைகளை, எல்லாம் பெரிய பெரிய மூட்டைகள், என தூக்கி கொண்டு போய் கொண்டிருந்தார்கள். சிலர் தூக்க முடியாமல் இழுத்து கொண்டிருந்தார்கள், சிலர் தம் மூட்டைகளை வண்டியில் கொண்டு வந்தார்கள்.
• கேட்ட போது, கடவுள் என் கவலைகளுக்கு விடை தருகிறேன் என்று சொன்னார், அதான் போய் கொண்டு இருக்கிறேன் என்றார்கள்.
• எல்லோரும் கோவில் முன்னே சேர்ந்ததும், மீண்டும் அதே குரல் - நீங்கள் உங்கள் மூட்டையை உங்கள் விருப்பப்படி வேறொருவரிடம் மாற்றி கொள்ளலாம், ஆனால் மூட்டை உள்ளே என்ன இருக்கிறது என்று கேட்கவோ பார்க்கவோ கூடாது - என்று கேட்டது.
• சிலர் தம் மூட்டையை வேறொருவரிடம் மாற்ற முயன்றார்கள்.
• இப்பொழுது தம் தம் மூட்டை மற்றவர்களுடைய மூட்டையை விட சிறியதாக தோன்றியது. மாற்ற தயங்கினர்.
• கடைசியில் பார்த்தால், எல்லோரும் தம் தம் மூட்டைகளை கெட்டியாக பிடித்து கொண்டார்கள். தம் மூட்டைகளையே திரும்ப எடுத்து கொண்டு வீடு திரும்பினார்கள். 
• யாருக்குமே கவலை இல்லை என்று சொல்ல முடியாது. அவரவர்க்கு தம் தம் கவலைகள் பெரியது.
• நாம் நம் பண பிரச்சனையை மாற்ற மற்றவரிடம் உள்ள சர்க்கரை நோயை வாங்கி மாற்றி கொள்ள முடியுமா?

கவலை என்றால் என்ன 

• நம் மனதின் எண்ணங்கள் ஒரு குறிப்பிட்ட விஷயத்தை பற்றி அதிகமான சிந்தித்தல் தான் கவலை.
• இந்த விஷயம் கடந்த காலத்தில் நடந்த சம்பவமாக இருக்கலாம் அல்லது வருங்காலத்தில் நிகழக்கூடிய விஷயமாக இருக்கலாம்.
• எப்பொழுதும் அதன் விளைவுகளை பற்றியே யோசித்து மனதின் எண்ணங்களை அதிக படுத்தி கொள்கிறோம்.
• அதை தவிர்த்து, அதை எப்படி அணுகுவது என்று யோசித்தால் தீர்வு கிடைக்கும்.

(There are no problems, only situations).

இச்செய்திக்கு பிரதான அனுசரணை

வீடியோ இங்கே