தவறாக முடி வெட்டியதால் 2 கோடி ரூபா அபராதம்!

இந்தியாவின் டில்லியிலுள்ள பிரபலமான நட்சத்திர ஹொட்டல் ஒன்றில் உள்ள சலூன் ஒன்றில் மொடல் அழகி ஒருவருக்கு தவறாக முடி வெட்டியதால் இழப்பீடாக 2 கோடி ரூபா வழங்கும் படி நீதிமன்றம் உத்தரவிட்டுள்ளது எனத் தெரிவிக்கப்படுகிறது.

டில்லியில் உள்ள பிரபல நட்சத்திர ஹொட்டலில் சலூன் வசதியும் உள்ளது.

இந்த ஹொட்டல் சலூனில் 2018 ஆம் ஆண்டு பிரபல மொடல் அழகி ஒருவர் முடி வெட்டுவதற்காக சென்றுள்ளார்.

இவர் நீளமான முடியை விளம்பரப்படுத்தும் ஷாம்பூ விளம்பர படங்களில் நடிப்பவராவார்.

சிகை அலங்கார நிபுணர் நீளமான முடியை குட்டையாக வெட்டியுள்ளார். இதனால் ஆத்திரமடைந்த மொடல் அழகி மனஉளைச்சலுக்கு ஆளாகிய நிலையில் விளம்பரப் படங்களிலும் நடிக்க முடியாத நிலை ஏற்பட்டுள்ளது.

இதையடுத்து தேசிய நுகர்வோர் குறை தீர்ப்பு நீதிமன்றத்தில் முறையிட்டுள்ளார்.

இந்த வழக்கின் தீர்ப்பு நேற்று வழங்கப்பட்டுள்ளது. அதன்படி இழப்பீடாக 2 கோடி ரூபா வழங்க சலூனுக்கு உத்தரவு பிறக்கப்பட்டுள்ளது என தெரிவிக்கப்படுகிறது.