SLIT நிறுவனம் தொடர்பாக உயர்நீதிமன்றத்தை நாடிய அமைச்சர்

மாலபே தகவல் தொழில்நுட்ப நிறுவனத்தை (SLIT) மீண்டும் மஹாபொலவுக்குக் கையகப்படுத்த அதிகாரிகளுக்கு உத்தரவிடுமாறு கோரி நாடாளுமன்ற உறுப்பினர் கலாநிதி விஜயதாச ராஜபக்ஷ நேற்று (29) உச்ச நீதிமன்றில் அடிப்படை உரிமை மனுவொன்றை தாக்கல் செய்துள்ளார்.

மஹாபொல அறக்கட்டளை நிதியத்தின் கீழ் நிறுவப்பட்ட தகவல் தொழில்நுட்ப நிறுவனம், மகாபொல நிதிய அறங்காவலர் சபையின் எந்தவொரு தீர்மானமும் இன்றி ஸ்லிட் உத்தரவாத நிறுவனத்திற்கு மாற்றப்பட்டதன் காரணமாக 400 மில்லியனுக்கும் அதிகமான நஷ்டம் ஏற்பட்டுள்ளதாக மனுதாரர் நீதிமன்றில் தெரிவித்திருந்தார்.

முன்னாள் ஜனாதிபதி மைத்திரிபால சிறிசேனவினால் நியமிக்கப்பட்ட ஜனாதிபதி ஆணைக்குழு வழங்கிய பரிந்துரைகளுக்கு இணங்க இந்த பாரிய இழப்பிற்கு காரணமானவர்களுக்கு எதிராக வழக்குத் தாக்கல் செய்யுமாறு சட்டமா அதிபருக்கு உத்தரவிடுமாறும், முன்னாள் நீதியமைச்சரான மனுதாரர், உச்ச நீதிமன்றத்திடம் கோரியுள்ளார்.

ஜனாதிபதி ஆணைக்குழுவின் பரிந்துரையின்படி குற்றத்திற்கு காரணமானவர்கள் மீது லஞ்ச ஒழிப்பு சட்டத்தின் கீழ் வழக்கு தொடர இலஞ்சம் அல்லது ஊழல் விசாரணை ஆணைக்குழுவிற்கு உத்தரவு பிறப்பிக்குமாறும், 2015 மே மாதம் முதல் ஸ்லிட் நிறுவனம் ஈட்டிய அனைத்து இலாபங்களையும் மஹாபொல நிதிக்கு வரவு வைக்குமாறும் மனுதாரர் நீதிமன்றத்தை கோரியுள்ளார்.

மேலும்இ ஸ்லிட் உத்தரவாத நிறுவனத்தின் பணிப்பாளர்களிடமிருந்து 100 மில்லியன் ரூபா நட்டஈட்டை மஹாபொல நிதியத்திற்கு மீளப்பெறுமாறும், மனுதாரர் தனது மனுவை விசாரித்து தீர்ப்பு வழங்கும் வரை ஸ்லிட்டின் சொத்துக்களை விற்பனை செய்வதற்கும் அகற்றுவதற்கும் தடை உத்தரவு பிறப்பிக்குமாறும் நீதிமன்றத்திடம் கோரிக்கை விடுக்கப்பட்டுள்ளது.

அமைச்சரவைஇ இலஞ்சம் அல்லது ஊழல் விசாரணை ஆணைக்குழுவின் தலைவர், ஏனைய ஆணையாளர்கள் மற்றும் சட்டமா அதிபர் ஆகியோர் மனுவில் பிரதிவாதிகளாக குறிப்பிடப்பட்டுள்ளனர்.

உயர் கல்விக்காக அரச பல்கலைக்கழகங்களில் நுழையும் பொருளாதாரத்தில் பின்தங்கிய மாணவர்களுக்கு புலமைப்பரிசில்களை வழங்கும் நோக்கத்துடன் மஹாபொல நம்பிக்கை நிதியம் முன்னாள் அமைச்சர் லலித் அத்துலத்முதலியால் ஸ்தாபிக்கப்பட்டது.

பின்னர் 1981 ஆம் ஆண்டின் 66 ஆம் இலக்க மகாபொல உயர்கல்வி புலமைப்பரிசில் அறக்கட்டளை நிதியச் சட்டத்தின் மூலம் அது சட்டரீதியான அறக்கட்டளையாக மாற்றப்பட்டது என மனுதாரர் நீதிமன்றத்திற்கு அறிவித்திருந்தார்.

. 317,000 பட்டதாரிகள் அந்த நிதியிலிருந்து புலமைப்பரிசில்களைப் பெற்றுள்ளனர்.

நல்லாட்சி ஆட்சிக் காலத்தில் மஹாபொலவின் முழு உரிமையையும் கொண்டிருந்த SLIT நிறுவனம், அந்த நிறுவனத்தைக் கட்டுப்படுத்தும் ஸ்ரீலங்கா தகவல் தொழில்நுட்ப (Garant) நிறுவனத்திற்கு மாற்றப்பட்டுள்ளதாக மனுதாரர் தனது மனுவில் நீதிமன்றத்திற்கு அறிவித்திருந்தார்.