கிறிஸ்மஸிற்கு நல்ல பெண் தேவை என விளம்பரம் செய்த முதியவர்.

அமெரிக்காவில் கிறஸ்மஸ் கொண்டாட, 66 வயதுடைய ஒரு முதியவர், 50-55 வயதுடைய ஒரு நல்ல பெண் தேவையென விளம்பரப்பலகை இட்டுள்ளார்.

அமெரிக்காவை சேர்ந்த கான்ட்ராக்டரும் உடற்பயிற்சி ஆர்வலருமான ஜிம் பேஸ் (66)  உலகின் மிகவும் சுதந்திரமான இடத்திற்கு குடிபெயர நினைத்தார். அதன்படி இந்த ஆண்டின் தொடக்கத்தில் டெக்சாசுக்கு குடிபெயர்ந்தார். ஜிம் பேஸ், இரண்டு முறை விவாகரத்து பெற்றவர் ஆவார். 
மேலும் ஐந்து பிள்ளைகளின் தந்தையான இவர் ஜூன் மாதம் தனது தொழிலை லோன் ஸ்டார் ஸ்டேட்டிற்கு மாற்றினார். இந்த சூழலில் தனிமை அவரை வாட்டியது. இதனால் தனது மீதமுள்ள நாட்களைக் கழிக்க ஒரு பெண்ணை தேடி கண்டுபிடிக்க முடிவு செய்தார். 

இந்நிலையில் கிறிஸ்துமஸை தனியாக கொண்டாட விருப்பமில்லாத அவர் டெக்சாஸ் நெடுஞ்சாலையில் 'நல்ல பெண்' கிடைக்கும் என்ற நம்பிக்கையில் ராட்சத விளம்பரப் பலகையை அமைத்தார். அந்த விளம்பரப் பலகையில் 'நல்ல பெண் தேவை' என்று எழுதப்பட்டுள்ளது. மேலும் 50-55 வயதுடைய பெண் பேசுவதற்கு மற்றும் பரஸ்பர அன்பான செயல்களுக்கு தேவை என்றும் தெரிவிக்கப்பட்டிருந்தது. அந்த விளம்பரப் பலகையில் அவரது தொலைபேசி எண் கீழே அச்சிடப்பட்டிருந்தது. 

இந்த விளம்பரப்பலகை வைக்கப்பட்ட நாளிலிருந்து தொடர்ந்து நான்கு நாட்களாக பல பெண்கள் முதியவருக்கு,குரல் குறுஞ்செய்திகள் அனுப்பிய வண்ணம் உள்ளனர்.

இச்செய்திக்கு பிரதான அனுசரணை

வீடியோ இங்கே