55 அரச நிறுவனங்களுக்கு 1.2 டிரில்லியன் ருபா இழப்பு
இலங்கை பெற்றோலியக் கூட்டுத்தாபனம், மின்சார சபை, இலங்கை விமான சேவை மற்றும் சதொச மற்றும் தேசிய நீர் வழங்கல் மற்றும் வடிகாலமைப்புச் சபை உட்பட 5 அரச நிறுவனங்கள் உட்பட 55 அரச நிறுவனங்களுக்கு 2006 ஆம் ஆண்டு முதல் 2020 ஆம் ஆண்டு வரை 1.2 ரில்லியன் ரூபா நட்டம் ஏற்பட்டுள்ளதாக தெரியவந்துள்ளது.
மூத்த பொருளாதார ஆலோசகர் பேராசிரியர் ரொஹான் சமரஜீவ இதனைத் தெரிவித்துள்ளார்.
இந்த 5 அரச நிறுவனங்களில் 2019 இல் ஒரு நாள் இழப்பு 38 கோடி ருபாய் (384,479,189) என அவர் தெரிவித்துள்ளார்.
இதனால் தேசிய பொருளாதாரம் கடுமையாகப் பாதிக்கப்பட்டுள்ளதாகவும் அந்த நிறுவனங்கள் உடனடியாக சமரசம் செய்யப்பட வேண்டும் எனவும் அவர் கூறுகிறார்.
தற்போது பெரும் நஷ்டம் ஏற்பட்டுள்ள ஸ்ரீ லங்கன் ஏர்லைன்ஸ் நிறுவனத்தை நன்மதிப்பு வாய்ந்த தனியார் முதலீட்டாளரிடம் ஒப்படைத்து, விரைவாக மேற்கொள்ள வேண்டும் என்றும் அவர் கூறினார். இல்லை என்றால் எதிர்காலத்தில் நாட்டின் பொருளாதாரம் பாரியளவில் பாதிக்கப்படலாம் என பேராசிரியர் ரொஹான் சமரஜீவ தெரிவித்துள்ளார்.
தற்போதுஇ இந்த அரச நிறுவனங்களின் உற்பத்தித்திறன் 30 ஆண்டுகளுக்குப் பிறகு 1மூக்கும் குறைவாகவே குறைந்துள்ளது.
தனியார் மயமாக்கலை பல்வேறு வழிகளில் மேற்கொள்ள முடியும் எனவும், அது நாட்டின் பொருளாதாரத்திற்கு திறம்பட செயல்பட வேண்டும் எனவும் கூறிய அவர், இதற்கு சிறந்த உதாரணம் ஸ்ரீலங்கா டெலிகொம் எனவும் தெரிவித்தார்.
தனியார்மயமாக்கல் செயல்முறை மூலம் தொலைபேசி பயனர்கள் மேம்பட்ட சேவை வசதிகளைப் பெற்றுள்ளனர் என்பதையும் அஅவர் சுட்டிக்காட்டினார்.
நஷ்டத்தில் இயங்கும் இந்த அரச நிறுவனங்களை நாட்டுக்கு நன்மை பயக்கும் வகையில் மறுசீரமைக்காவிட்டால் இந்த நிறுவனங்கள் வீழ்ச்சியடைந்து நாட்டின் பொருளாதாரத்திற்கு பல பாரிய பிரச்சினைகளை ஏற்படுத்தும் என பேராசிரியர் ரொஹான் சமரஜீவ எச்சரித்துள்ளார்.
