ஒரே குடும்பத்தை சேர்ந்த 8 பேருக்கு கொரோனா...

தூத்துக்குடி மாவட்டம் கோவில்பட்டி விநாயகர் பகுதிக்கு கடந்த 20 ஆம் தேதி மலோசியாவில் இருந்து கணவன் (35), மனைவி (34) மற்றும் 7 வயது சிறுமி வந்துள்ளனர். அங்குள்ள அவர்களது பெற்றோர் வீட்டில் அவர்கள் தங்கியுள்ளனர்.

இந்நிலையில் வெளிநாட்டில் இருந்து வந்த 3 பேருக்கும் காய்ச்சல் ஏற்பட்டுள்ளது. இதையெடுத்து கணவன், மனைவி, அவர்களின் பிள்ளை மற்றும் வீட்டில் இருந்த 6 பேர் என மொத்தம் 9 பேர் கொரோனா பரிசோதனை செய்துள்ளனர்.

அதில் வெளிநாட்டில் இருந்து வந்த 7வயது சிறுமியை தவிர மற்ற 8 பேருக்கும் கொரோனா தொற்று இருப்பது கண்டுபிடிக்கப்பட்டது. இதையெடுத்து 2 பேர் தூத்துக்குடி அரசு மருத்துமனையில் அனுமதிக்கப்பட்டுள்ளனர். மற்ற 6 பேர் வீட்டில் தனிமைப்படுத்தப்பட்டுள்ளனர்.

மேலும் 8 பேரின் பரிசோதனை முடிவுகளும் தூத்துக்குடி அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டுள்ளதாகவும், ஓமைக்ரான் பரிசோதனை செய்யப்படும் என்றும் சுகாதார துறை அதிகாரிகள் தெரிவித்துள்ளனர்.

இதனை தொடர்ந்து நகராட்சி சுகாதார அலுவலர்கள் அப்பகுதியில் ஆய்வு மேற்கொண்டனர். அத்துடன் கொரோனா தொற்றினால் பாதிக்கப்பட்டவர்களின் உறவினர்கள், அப்பகுதியை சேர்ந்தவர்கள் என 33 பேருக்கு கொரோனா பரிசோதனை மேற்கொள்ளப்பட்டது. மேலும் அப்பகுதி தடை செய்யப்பட்ட பகுதியாக அறிவிக்கபட்டுள்ளது.

வெளிநாட்டில் இருந்து இந்தியா திரும்பும்போது எடுக்கப்பட்ட பரிசோதனையில் நெகடிவ் என்று வந்த நிலையில் இந்தியா வந்த பின்னர் இருவருக்கு கொரோனா தொற்று இருப்பது கண்டுபிடிக்கப்பட்டுள்ளது கொரோனா பரிசோதனை குறித்த பல்வேறு சந்தேகங்களை எழுப்பியுள்ளது.

கோவில்பட்டி பகுதியில் பலர் வெளிநாடுகளில் இருந்து அவ்வபோது சொந்த ஊர் திரும்புகின்றனர். அவர்களை ஒரு வார காலம் கட்டாயம் தனிமைப்படுத்த வேண்டும் என்று அரசு தொடர்ந்து அறிவுறுத்தி வருகிறது. ஆனால் பலரும் இதனை பின்பற்றுவதில்லை. மேலும் இதனை கோவில்பட்டி நகராட்சி சுகாதார அதிகாரிகள் முறையாக கண்காணிக்கவில்லை என்ற குற்றச்சாட்டும் எழுந்துள்ளது.

வெளிநாட்டில் இருந்து வந்த 2 பேர் உள்பட 8 பேருக்கு கொரோனா தொற்று உறுதி செய்யப்பட்டுள்ளது கோவில்பட்டி பகுதியில் அதிர்ச்சியை ஏற்படுத்தியுள்ளது.

இச்செய்திக்கு பிரதான அனுசரணை

வீடியோ இங்கே