பிரித்தானியாவில் பணவீக்கம் - வாழ்க்கைச் செலவு கடந்த 30 ஆண்டுகளில் இல்லாத அளவிற்கு உயர்வு
பிரித்தானியாவில் வாழ்க்கைச் செலவு கடந்த 30 ஆண்டுகளில் இல்லாத அளவிற்கு உயர்ந்துள்ளதாக தெரிவிக்கப்படுகின்றது.
எரிபொருள் மற்றும் உணவுப் பொருட்களின் விலைகள் தொடர்ந்து உயர்ந்து வருவதால் வாழ்க்கைச் செலவு கடந்த மாதம் 30 ஆண்டுகளில் இல்லாத அளவிற்கு உயர்வை எட்டியுள்ளதாக தெரிவிக்கப்படுகின்றது. ஜனவரி வரையிலான 12 மாதங்களில் விலைகள் 5.5 வீதமாக அதிகரித்துள்ளது.
இது டிசம்பரில் 5.4 வீதமாக இருந்தது, இது குடும்ப வரவு செலவுத் திட்டங்களில் அழுத்தத்தை அதிகரித்துள்ளதாக பிபிசி செய்தி வெளியிட்டுள்ளது. பிரித்தானியாவில் பணவீக்கம் இப்போது வேகமாக அதிகரித்து வருகிறது.
இந்நிலையில், இந்த ஆண்டு 7 வீதத்திற்கும் மேல் உயரும் என்று எதிர்பார்க்கப்படுகிறது. பணவீக்கம் என்பது விலைகள் உயரும் விகிதம். ஒரு போத்தல் பாலின் விலை £1 ஆக இருந்து 5p ஆக உயர்ந்தால், பால் பணவீக்கம் 5 வீதம் ஆகும்.
தேசிய புள்ளியியல் அலுவலகம் (ONS) ஜனவரி வரையிலான காலப்பகுதியில் ஆண்டில் மின்சாரக் கட்டணம் 19 வீதம் மற்றும் எரிவாயு கட்டணம் 28 வீதம் அதிகரித்துள்ளதுள்ளதாக தெரிவித்துள்ளது.
கடந்த ஜனவரியில் காணப்பட்ட தள்ளுபடிகளுடன் ஒப்பிடுகையில், புத்தாண்டில் சில்லறை விற்பனையாளர்கள் குறைவான விற்பனை மற்றும் தள்ளுபடிகளை வழங்குவதாக தேசிய புள்ளியியல் அலுவலகம் கூறியுள்ளது.
மேலும் பிரித்தானியாவில் இருக்கக்கூடிய முன்னணி பல்பொருள் அங்காடிகள் விலைகளை தொடர்ந்தும் அதிகரித்து வருவதாக கூறப்பட்டுள்ளது. பணவீக்கம் 30 ஆண்டுகளில் இல்லாத உச்சத்தில் உள்ளது, ஏப்ரல் மாதத்தில் இந்த நிலைமை மோசமாக இருக்கும் எனவும் சுட்டிக்காட்டப்பட்டுள்ளது.
பணவீக்கத்தைக் கட்டுப்படுத்தும் முயற்சியில் பாங்க் ஆஃப் இங்கிலாந்து ஏற்கனவே டிசம்பரில் இருந்து இரண்டு முறை வட்டி விகிதங்களை வைத்துள்ளது, விரைவில் அவற்றை மீண்டும் 0.75 வீதமாக உயர்த்தலாம்.
கடந்த வாரம் இங்கிலாந்து வங்கி பணவீக்கத்தைக் கட்டுப்படுத்தும் முயற்சியில் வட்டி விகிதங்களை 0.25 வீதத்திலிருந்து 0.5 வீதமாக உயர்த்தியுள்ளதாக தெரிவிக்கப்படுகின்றது.
எவ்வாறாயினும், குடும்பங்கள் எதிர்கொள்ளும் அழுத்தங்களை அரசாங்கம் புரிந்துகொண்டு நடவடிக்கை எடுத்து வருவதாக நிதி அமைச்சர் ரிஷி சுனக் தெரிவித்துள்ளார் என்பதும் குறிப்பிடத்தக்கது.
