மீரிகம - குருநாகல் அதிவேக நெடுஞ்சாலை: முதல் மாதத்தில் 100 மில்லியன் வருமானம்

மத்திய அதிவேக நெடுஞ்சாலை திறக்கப்பட்ட முதல் மாதத்தில், 100 மில்லியன் ரூபாய்க்கு மேல் வருமானம் பதிவு செய்யப்பட்டுள்ளதாக  நெடுஞ்சாலைகள் அமைச்சர் ஜோன்ஸ்டன் பெர்னாண்டோ தெரிவித்தார்.

ஏறக்குறைய 500,000 வாகனங்கள் ஏதுகல்புர நுழைவுச் சாலையைப் பயன்படுத்தியதாக அமைச்சர் நேற்று ஊடகங்களுக்கு தெரிவித்தார்

இந்த ஆண்டு ஜனவரி 15 அன்று திறக்கப்பட்ட மீரிகம முதல் குருநாகல் வரையிலான மத்திய அதிவேக நெடுஞ்சாலையின் இரண்டாம் கட்டத்தை 500,000 வாகனங்கள் பயன்படுத்தியுள்ளன.

அதிவேக நெடுஞ்சாலையின் புதிய பகுதி திறக்கப்பட்ட முதல் 12 மணி நேரத்திற்கு இலவசமாக திறந்து வைக்கப்பட்டது.

ஜனவரி 16ஆம் திகதி மதியம் தொடக்கம்  கட்டணம் வசூலிக்கப்பட்டது. 

2022 ஜனவரி 16 ஆம் திகதி முதல் பெப்ரவரி 21 ஆம் திகதி வரையான காலப்பகுதியில் 510,670 வாகனங்கள் இந்த வீதியைப் பயன்படுத்தியதாகவும் இதன் மூலம் 109,659,600 ரூபா வருமானம் ஈட்டப்பட்டுள்ளதாகவும் அமைச்சர் பெர்னாண்டோ தெரிவித்தார்.

மீரிகம, நாகலகமுவ, தம்போக்க, குருநாகல் மற்றும் யக்கஹபிட்டிய ஆகிய இடங்களில் மத்திய அதிவேக நெடுஞ்சாலையின் இரண்டாம் கட்டத்தின் சுங்கச் சேகரிப்பு பரிமாற்றங்கள் அமைக்கப்பட்டுள்ளன.

இச்செய்திக்கு பிரதான அனுசரணை

வீடியோ இங்கே