பால்மா குறித்து இராஜாங்க அமைச்சர் வெளியிட்ட கருத்து: திரவப் பாலை பயன்படுத்துமாறு கோரிக்கை
திரவப் பாலில் உள்ள சத்துக்களை நீக்கி உலர்த்தி தயாரிக்கப்படும் வெள்ளைப் பொடியே பால்மா என கால்நடை வளர்ப்பு, பண்ணை ஊக்குவிப்பு, பால் மற்றும் முட்டை கைத்தொழில் இராஜாங்க அமைச்சர் டி.பி. ஹேரத் தெரிவித்துள்ளார்.
எனவே, மக்கள் பவுடர் பாலை பயன்படுத்துவதை நிறுத்திவிட்டுஇ திரவ பாலை பயன்படுத்த பழக வேண்டும்இ என்றார்.
திரவப் பாலை மாவுப் பாலாக மாற்றும் போது, திரவப் பாலில் புரதத்திற்குப் பதிலாக மெலமைன் சேர்க்கப்படுவதாகவும், கொழுப்பிற்குப் பதிலாக பாமாயில் சேர்க்கப்படுவதாகவும், மேலும் பல சத்துக்கள் அகற்றப்படுவதாகவும் அமைச்சர் சுட்டிக்காட்டினார்.
மாவில் சத்துக்களை அகற்றுவதற்குப் பதிலாக வேறு இரசாயனங்கள் சேர்க்கப்படுவதாகவும் அவர் கூறுகிறார்.
இவற்றில் பல இரசாயனங்கள் உடலுக்கு தீங்கு விளைவிப்பவை எனவும், எனவே மாவுப் பால் பாவனையை கட்டுப்படுத்த வேண்டும் எனவும்இ திரவப் பாலை பயன்படுத்துமாறு மக்களை வழிநடத்துவது தமது அமைச்சின் பொறுப்பாகும் எனவும் அவர் தெரிவித்துள்ளார்.
