சுதந்திர இலங்கையின் 77வது வரவு செலவுத் திட்டம்: முன்னுரிமைப் பட்டியல்கள் மாற்றப்பட்டு இன்று பாராளுமன்றத்தில் சமர்ப்பிக்கப்படுகிறது
சுதந்திர இலங்கையின் 77ஆவது வரவு செலவுத் திட்டமாக 2023ஆம் ஆண்டுக்கான ஒதுக்கீட்டுச் சட்டமூலம் அல்லது வரவு செலவுத் திட்டம் இன்று பாராளுமன்றத்தில் சமர்ப்பிக்கப்படுகிறது.
நிதியமைச்சர் என்ற வகையில் ஜனாதிபதி ரணில் விக்கிரமசிங்க வரவு செலவுத் திட்ட உரையை இன்று பிற்பகல் 1.30 மணிக்கு ஆரம்பிக்க உள்ளார்.
எதிர்வரும் ஆண்டுக்கான அரசாங்கத்தின் மதிப்பிடப்பட்ட செலவினம் 7,885 பில்லியன் ரூபாவாகும், இது 2022 ஆம் ஆண்டுடன் ஒப்பிடுகையில் 1,785 பில்லியன் அதிகரிப்பாகும். அதன்படி, ஒரு சதவீதமாக அதன் அதிகரிப்பு 29.2 சதவீதமாக காட்டப்பட்டது.
இதேவேளை, அடுத்த வருட வரவு செலவுத் திட்டத்தில் 2,442 பில்லியன் ரூபா மீள்செலவுகளாகவும், 1,225 பில்லியன் ரூபா மூலதனச் செலவினங்களாகவும் மதிப்பிடப்பட்டுள்ளது.
கடன் தவணை மற்றும் வட்டிக்காக 4,218 பில்லியன் ரூபா மதிப்பிடப்பட்டுள்ளதாக நிதியமைச்சு தெரிவித்துள்ளது.
இந்த நாட்டின் ஏனைய வரவு செலவுத் திட்டங்களில் நம்பர் 1 என பட்டியலிடப்பட்டிருந்த பாதுகாப்புச் செலவினம், இந்த ஆண்டுக்கான வரவு செலவுத் திட்டத்தில் நான்காவது இடத்திற்குச் சரிந்துள்ளது.
இந்த ஆண்டுக்கான வரவு செலவுத் திட்டத்தில் சமூக பாதுகாப்புக்காக 572 பில்லியன் ரூபா ஒதுக்கப்பட்டுள்ளது.
கல்விக்காக 504 பில்லியன் ரூபாவும், சுகாதாரத்திற்காக 432 பில்லியன் ரூபாவும், பாதுகாப்புச் செலவுகளுக்காக 410 பில்லியன் ரூபாவும் இந்த ஆண்டுக்கான வரவு செலவுத் திட்டத்தில் மதிப்பிடப்பட்டுள்ளது.
இன்று பாராளுமன்றத்தில் சமர்ப்பிக்கப்பட்ட வரவு செலவு திட்டம் மற்றும் இந்நாட்டின் வரவு செலவுத் திட்டத்தின் வரலாறு தொடர்பில் நிதி இராஜாங்க அமைச்சர் ரஞ்சித் சியம்பலாபிட்டிய கருத்து வெளியிட்டார்.
