ஐஸ் போதைப்பொருள் வைத்திருப்போருக்கு இன்று முதல் மரண தண்டனை
ஐஸ் போதைப்பொருள் கடத்தல் மற்றும் தம்வசம் வைத்திருந்தமை போன்ற குற்றங்களில் ஈடுபடுவோருக்கு எதிராக நீதிமன்றினால் மரண தண்டனை விதிக்கும் நடவடிக்கை இன்று (24ஆம் திகதி) முதல் அமுல்படுத்தப்படவுள்ளது.
ஒக்டோபர் 19 ஆம் திகதி பாராளுமன்றத்தில் நிறைவேற்றப்பட்ட விஷம், அபின் மற்றும் ஆபத்தான மருந்துகள் (திருத்தம்) சட்டமூலத்தில் சபாநாயகர் மஹிந்த யாப்பா அபேவர்தன நேற்று (23) கையொப்பமிட்டதன் மூலம் இது நடைமுறைக்கு வந்தது.
அமைச்சரவை தீர்மானங்களை அறிவிப்பதற்காக அரசாங்க தகவல் திணைக்களத்தில் நடைபெற்ற ஊடகவியலாளர் சந்திப்பில் கலந்து கொண்ட நீதித்துறை சிறைச்சாலைகள் மற்றும் அரசியலமைப்பு மறுசீரமைப்பு அமைச்சர் விஜயதாச ராஜபக்ஷ , புதிய சட்டத்தின்படி, ஐந்து கிராம் ஐஸ் போதைப்பொருளை வைத்திருந்த குற்றவாளிகளுக்கு மரண தண்டனை விதிக்கப்படும் என குறிப்பிட்டார்.
சபாநாயகர் கையொப்பமிட்டவுடன், புதிய சட்டம் 2022 ஆம் ஆண்டின் 41 ஆம் இலக்க விஷம், அபின் மற்றும் ஆபத்தான மருந்துகள் (திருத்தம்) சட்டமாக நடைமுறைக்கு வரும்.
ஒரு அமெச்சூர் போதைப்பொருளாக இலங்கைக்கு ஐஸ் போதைப்பொருள் எவ்வளவு பேரழிவை ஏற்படுத்திய போதிலும், புதிய திருத்தத்திற்கு முன்னர், பழைய விஷம், அபின் மற்றும் ஆபத்தான போதைப்பொருள் சட்டம் ஹெரோயினுக்கு மரண தண்டனையை மட்டுமே விதித்தது.
