போராட்டத் தாக்குதல் வழக்கில் தேஷபந்துவை சந்தேக நபராகக் குறிப்பிடக் கோரி மனு

மேல் மாகாணத்திற்குப் பொறுப்பான சிரேஷ்ட பிரதிப் பொலிஸ் மா அதிபர் தேஷபந்து தென்னகோன், கல்லு முடோர கோட்டா கோ கிராமத்தின் மீதான தாக்குதல் தொடர்பான வழக்கில் சந்தேக நபராக பெயரிடப்பட்டுள்ளதுடன், அவரைக் கைது செய்து நீதிமன்றத்தில் ஆஜர்படுத்துமாறு உத்தரவு பிறப்பிக்குமாறு மேன்முறையீட்டு நீதிமன்றில் ரிட் மனு ஒன்று சமர்ப்பிக்கப்பட்டுள்ளது.

போராட்டத்தை ஆதரித்த வழக்கறிஞர் ராமலிங்கம் ரஞ்சன் என்பவரால் ரிட் மனு தாக்கல் செய்யப்பட்டுள்ளது.

சட்டமா அதிபர், பொலிஸ் மா அதிபர், குற்றப் புலனாய்வு திணைக்களத்தின் பணிப்பாளர் மற்றும் மேல் மாகாணத்திற்கு பொறுப்பான சிரேஷ்ட பிரதி பொலிஸ் மா அதிபர் தேஷபந்து தென்னகோன் ஆகியோர் பிரதிவாதிகளாக குறிப்பிடப்பட்டுள்ளனர்.

கடந்த மே மாதம் 9ஆம் திகதி காலி முகத்துவாரப் பகுதியில் இடம்பெற்ற கோட்டா கோ கம போராட்டத்தின் மீதான தாக்குதல் தொடர்பில் சிரேஷ்ட பிரதி பொலிஸ் மா அதிபர் தேஷபந்து தென்னகோனை சந்தேகநபராகக் குறிப்பிடுவதற்கு போதிய உண்மைகள் இருப்பதாக கோட்டை நீதவான் நீதிமன்றமும் அவதானித்துள்ளதாக மனுதாரர் தெரிவித்துள்ளார்.

இருந்த போதிலும், தேசபந்து தென்னகோனை சந்தேக நபராக பெயரிட்டு கைது செய்து நீதிமன்றத்தில் ஆஜர்படுத்த இதுவரை பிரதிவாதிகள் நடவடிக்கை எடுக்கவில்லை.

இதன்படி, கோத்தா கோ கம போராட்டத்தின் மீதான தாக்குதல் தொடர்பில் தேஷபந்து தென்னகோனை சந்தேக நபராக பெயரிடுமாறு சட்டமா அதிபர், பொலிஸ் மா அதிபர் மற்றும் குற்றப் புலனாய்வு திணைக்கள பணிப்பாளர் ஆகியோருக்கு ஆணை பிறப்பிக்குமாறு மனுதாரர் நீதிமன்றில் கோரியுள்ளார்.

மேலும், தேஷபந்து தென்னகோனை கைது செய்து தடுத்து வைத்து மேலதிக வாக்குமூலங்களை பதிவு செய்யுமாறு பொலிஸ் மா அதிபர் மற்றும் குற்றப் புலனாய்வு திணைக்கள பணிப்பாளர் ஆகியோருக்கு உத்தரவு பிறப்பிக்குமாறும் மனுவில் கோரப்பட்டுள்ளது.

அவருக்கு எதிராக ஒழுக்காற்று நடவடிக்கை எடுக்குமாறு தேசிய பொலிஸ் ஆணைக்குழுவிற்கு அறிவிக்குமாறு பொலிஸ் மா அதிபருக்கு உத்தரவு பிறப்பிக்குமாறும் மனுவில் மேலும் கோரப்பட்டுள்ளது.

இச்செய்திக்கு பிரதான அனுசரணை

வீடியோ இங்கே