போலி தலதா மாளிகை பிரச்சனையில் ஜனாதிபதி தலையீடு
போலி தலதா மாளிகை கட்டப்பட்டமை தொடர்பிலான விசாரணைகளை உடனடியாக ஆரம்பிக்குமாறு ஜனாதிபதி ரணில் விக்கிரமசிங்க பொலிஸ் மா அதிபருக்கு உத்தரவிட்டுள்ளார்.
அஸ்கிரி மற்றும் மல்வத்து கட்சிகளின் மகாநாயக்க தேரர்கள் மற்றும் தலதா மாளிகையின் தியவடன நிலமேவர்யா ஆகியோர் குருநாகல், வடகட வீதி, பொத்துஹெர பிரதேசத்தில் "பொய் தலதா மாளிகை" உருவாக்கப்பட்டு நிர்மாணிக்கப்படுவதாக அறிவித்ததையடுத்து, நேற்று ஜனாதிபதி ரணில் விக்கிரமசிங்க பொலிஸ் மா அதிபர் சி.டி. விக்கிரமரத்ன உத்தரவிட்டுள்ளார்.
இதன்படி, குற்றப் புலனாய்வு திணைக்களத்தின் பிரதிப் பொலிஸ் மா அதிபர் ஒருவரின் கீழ் உடனடியாக விசாரணைகள் ஆரம்பிக்கப்பட்டுள்ளன.
அத்துடன், உதவிப் பொலிஸ் அத்தியட்சகர் ஒருவரின் மேற்பார்வையில் இரண்டு விசாரணைக் குழுக்கள் ஏற்கனவே குறித்த இடத்திற்குச் சென்று விசாரணைகளை ஆரம்பித்துள்ளதாக பொலிஸ் மா அதிபர் தெரிவித்துள்ளார்.
அரசியலமைப்பில் குறிப்பிடப்பட்டுள்ளபடி “பௌத்தத்தைப் பாதுகாத்து வளர்ப்பதற்கு” கட்டுப்பட்ட அரசாங்கம் உடனடியாக உண்மைகளை ஆராய்ந்து இவ்வாறான செயற்பாடுகளை ஆரம்பத்திலேயே தடுத்து நிறுத்த வேண்டும் என்பது பௌத்தத்தின் நிலைத்து முன்னேற்றத்திற்காகவே மல்வத்து அஸ்கிரி உபாய மகா விஹாராதிபதி மற்றும் ஸ்ரீ தலதா மாளிகை தியவதன நிலமே பிரதீப் நிலங்க தேல ஜனாதிபதிக்கு அறிவித்திருந்தார்.
எனவே இதற்கு உடனடி நடவடிக்கை எடுக்க வேண்டும் என ஜனாதிபதிக்கு உரிய கடிதத்தில் சுட்டிக்காட்டப்பட்டிருந்தது.
பௌத்த மதத்தை அவமதிக்கும் வகையில் பல்வேறு கருத்துக்களை வெளியிடுபவர்கள் மற்றும் பல்வேறு செயற்பாடுகளில் ஈடுபடுபவர்கள் தொடர்பில் எடுக்கக்கூடிய சட்ட ஏற்பாடுகள் குறித்து நீதி அமைச்சர் விஜேதாச ராஜபக்ஷ கருத்து வெளியிட்டார்.
