IMFஇன் நிபந்தனைகளை நிறைவேற்றுவது கடினம்: அதனால்தான் கடன் பெறவில்லை! அமைச்சர் வெளியிட்ட தகவல்

சர்வதேச நாணய நிதியம் முன்வைத்த நிபந்தனைகளை நிறைவேற்றுவது தொடர்பிலான தற்போதைய சூழ்நிலை காரணமாக சர்வதேச நாணய நிதியத்திடமிருந்து  பணத்தை பணம் பெறுவதில்  தாமதம் ஏற்பட்டுள்ளதாக இராஜாங்க அமைச்சர் திலும் அமுனுகம தெரிவித்துள்ளார்.

கண்டியில் இடம்பெற்ற நிகழ்வொன்றின் பின்னர் ஊடகங்களுக்கு கருத்து தெரிவிக்கும் போதே அவர் மேற்கண்டவாறு தெரிவித்தார்.

சர்வதேச நாணய நிதியத்தின் ஆதரவைப் பெறுவதற்கு அரசாங்கம் நிறைவேற்ற வேண்டிய பல நிபந்தனைகள் உள்ளன. 

பொதுச் சேவையைக் குறைத்தல், நஷ்டத்தில் இயங்கும் பொது நிறுவனங்களைத் தனியார்மயமாக்குதல், அரசுப் பாதுகாப்புப் படைகளின் அமைப்பைக் குறைத்தல், அனைத்து பொதுச் செலவுகள் மற்றும் வரவு செலவுத் திட்ட இடைவெளிகளை வரிப் பணத்தில் ஈடுகட்டுதல் மற்றும் பிற நிபந்தனைகள் உள்ளன.

 அதனால்தான் வரிகளை அதிகரிக்க வேண்டும், மின் கட்டணத்தை அதிகரிக்க வேண்டும், எரிபொருள் விலையை திருத்த வேண்டும். சர்வதேச நாணய நிதியத்தின் அனைத்து நிபந்தனைகளுக்கும் அரசாங்கம் என்ற வகையில் உடன்பட முடியாது. 

பாதுகாப்புப் படைகளைக் குறைக்க முடியாது. 30 ஆண்டு கால யுத்தத்தை சந்தித்த நாடு இது, ஐ.எஸ்.எஸ். தீவிரவாத தாக்குதலை எதிர்கொண்ட ஒரு நாடு தனது பாதுகாப்பு படைகளை எப்படி குறைக்கிறது? அனைத்து அரச நிறுவனங்களையும் தனியார் மயமாக்க முடியாது என இவர்கள் கூறுகின்றனர். சில நிறுவனங்கள் ஓரளவு தனியார்மயமாக்கப்பட்ட பிறகு அவற்றின் நடத்தைக்கான எடுத்துக்காட்டுகள் ஏற்கனவே எங்களிடம் உள்ளன.

இது சம்பந்தமாக, இன்னும் பேச்சுவார்த்தை மட்டத்தில் உள்ளது. அதனால்தான் இந்த பணம் பெறுவதில் தாமதம் ஏற்படுகிறது. பேச்சுவார்த்தை வெற்றி பெற்றாலும், இந்த பணம் தவணை முறையில் பெறப்படும்.