கொவிட் பரவல்: வட கொரியாவில் கிம் ஜாங் உன்னின் அதிரடி தீர்மானம்!

தென் கொரியா மற்றும் சீனா உள்ளிட்ட அருகிலுள்ள நாடுகளில் COVID-19 தொற்றுநோய் வேகமாக பரவி வருவதால், வட கொரியா கடுமையான தனிமைப்படுத்தப்பட்ட முன்னெச்சரிக்கை நடவடிக்கைகளுக்கு அழைப்பு விடுத்துள்ளது.

 ஓமிக்ரான் திரிபின்   வேகமான வளர்ச்சியின் காரணமாக, தெற்கு, சீனா மற்றும் ஜப்பானில் குளிர்காலத்தில் வைரஸ் தொற்றுக்கள்   அதிகரித்தன என்று அரசு நடத்தும் கொரிய மத்திய தொலைக்காட்சியின் அறிக்கை தெரிவித்துள்ளது. மேலும் அந்த பிராந்தியங்களில் வைரஸ் தொற்றுக்கள்  மிகவும் தீவிரமானவை  என்று அந்த செய்தியில் குறிப்பிடப்பட்டுள்ளது.  

தொற்றுநோய்களை "முழுமையாக" தடுக்கும் முயற்சியில், கோவிட்-19 தொற்றுநோய்க்கு எதிரான தனிமைப்படுத்தல் நடவடிக்கைகளை தீவிரப்படுத்துமாறு வட கொரியர்களை அரசாங்கம்  வலியுறுத்தியது என்று கொரியன் ஹெரால்ட் செய்தி வெளியிட்டுள்ளது.

சமீபத்தில், தெற்கு மற்றும் சீனாவில் வைரஸ் தொற்றுக்களின்  சமீபத்திய அதிகரிப்புக்கு எதிராக வடக்கு அதன் பாதுகாப்பை முடுக்கிவிட்டுள்ளது, இந்த நோய்த்தொற்றுகள் அதன் பொருளாதாரத்திற்கு மேலும் தீங்கு விளைவிக்கும் என்றும் கூறப்படுகின்றது.

வட கொரியத் தலைவர் கிம் ஜாங்-உன் கடந்த ஆண்டு ஆகஸ்டில் கோவிட்-19 நெருக்கடியில் வெற்றி பெற்றதாக அறிவித்தார், மே 2022 இல் வடகொரியாவின்    முதல் வைரஸ் தொற்று  பதிவானது.  மூன்று மாதங்களுக்குப் பிறகு தொற்றுநோய் கட்டுக்குள் கொண்டுவரப்பட்டதாகக் கூறினார்.

வட கொரியா ஜனவரி 2020 முதல் வர்த்தகம், பயணம் மற்றும் சுற்றுலா உட்பட, நாட்டின் முக்கிய வெளிநாட்டு பண ஆதாரங்களான அனைத்து எல்லை தாண்டிய பரிவர்த்தனைகளையும் கடுமையாக தடை செய்துள்ளது, .

எல்லை மூடப்பட்டதன் விளைவாக வட கொரியப் பொருளாதாரம் விரைவாக மோசமடைந்தது, மேலும் கிம் 2022 இல் நாட்டின் சவால்களை அவ்வப்போது ஒப்புக் கொள்ளத் தொடங்கினார். 2020–21ல், கொரியாவின் புள்ளிவிவரங்களின்படி, முந்தைய ஆண்டை ஒப்பிடும்போது நாட்டின் மொத்த உள்நாட்டு உற்பத்தி (ஜிடிபி) 4.5–4.6% குறைவடைந்து.

தொற்றுநோய் காரணமாக எல்லை தாண்டிய வர்த்தகம் மற்றும் போக்குவரத்திற்கு மூன்று வருட கடுமையான கட்டுப்பாடுகள் ஏற்கனவே அதன் தன்னிறைவு பொருளாதார அமைப்பை  வலுவடைய செய்தன.

இந்நிலையில் 2023 ஆம் ஆண்டில், சீனா மற்றும் ரஷ்யாவுடனான தனது எல்லைகளை வட கொரியா படிப்படியாக திறக்கும் சாத்தியம் இருப்பதாக த டிப்ளமோட் அறிக்கை கூறியுள்ளது.

இச்செய்திக்கு பிரதான அனுசரணை

வீடியோ இங்கே