உலகின் வலிமையான கடவுச்சீட்டுகள் பட்டியலில் பிரித்தானியா!
ஐரோப்பாவில் மிகவும் சக்திவாய்ந்த கடவுச்சீட்டுகளைக் கொண்டுள்ள நாடுகளாக ஜேர்மனி மற்றும் ஸ்பெயின் பெயரிடப்பட்டுள்ளது.
அதே நேரத்தில் உலகின் வலிமையான கடவுச்சீட்டுகளைக் கொண்டுள்ள நாடாக ஜப்பான் பெயரிடப்பட்டுள்ளது.
The Henley Passport Index வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது. இந்த பட்டியலில் பிரித்தானியா முதல் 10 இடங்களில் இடம்பெற்றுள்ளது.
இதன்படி, ஜேர்மன் அல்லது ஸ்பெயின் நாட்டின் பயண ஆவணங்களைக் கொண்டவர்கள், தரவரிசையில் பதிவுசெய்யப்பட்ட 227 இடங்களில் 190 இடங்களுக்கு விசா இல்லாமல் நுழைய முடியும்.
பிரித்தானிய கடவுச்சீட்டை கொண்டவர்கள் 187 நாடுகளுக்குள் நுழைய முடியும். இதன் மூலம் பிரான்ஸ்,அயர்லாந்து மற்றும் போர்ச்சுகல் ஆகியவற்றுடன் ஆறாவது இடத்தில் பிரித்தானியா உள்ளது.
கடந்த எட்டு ஆண்டுகளில் இங்கிலாந்தின் செல்வாக்கு கணிசமாகக் குறைந்துள்ளது, ஐரோப்பிய ஒன்றியத்தை விட்டு வெளியேறியதன் காரணமாக இந்த நிலை ஏற்பட்டுள்ளதாக தெரிவிக்கப்பட்டுள்ளது.
ஜப்பானிய குடிமக்கள் இப்போது உலகெங்கிலும் உள்ள 227 இடங்களுக்கு 193 இடங்களுக்கு விசா இல்லாமல் செல்ல முடியும், அதே நேரத்தில் தென் கொரியர்கள் மற்றும் சிங்கப்பூரர்கள், குறியீட்டில் இரண்டாவது இடத்தில் உள்ள நாடுகள் ஆகும்.
உலகப் பயணம் எவ்வளவு சமமற்றது என்பதையும் இந்த குறியீடு எடுத்துக்காட்டுகிறது, ஏழை மற்றும் குறைந்த நிலையான நாடுகளில் உள்ள பில்லியன் கணக்கான மக்கள் பல நாடுகளுக்குச் செல்வதைத் திறம்பட தடை செய்துள்ளதாக கூறப்படுகின்றது.
