ஒத்திவைப்பு மனுவை எதிர்வரும் 23ம் திகதிக்குள் பரிசீலிக்க உச்சநீதிமன்றத்தில் மனு!

நாட்டில் தற்போது கடுமையான பொருளாதார நெருக்கடி ஏற்பட்டுள்ள நிலையில், உத்தேச உள்ளூராட்சி மன்ற தேர்தலை ஒத்திவைக்கும் உத்தரவை பிறப்பிக்குமாறு ஓய்வுபெற்ற இராணுவ கேணல் டபிள்யூ. எம். ஆர். விஜேசுந்தரவினால் தாக்கல் செய்யப்பட்ட ரிட் மனுவை தபால் மூல வாக்களிப்பு ஆரம்பமாவதற்கு முன்னர் திறந்த நீதிமன்றில் அழைக்குமாறு கோரி உச்ச நீதிமன்றில் மனுவொன்று தாக்கல் செய்யப்பட்டுள்ளது.

மனுதாரர் தரப்பு வழக்கறிஞர்கள் நேற்று இந்த மனுவை தாக்கல் செய்தனர். குறித்த மனு கடந்த வெள்ளிக்கிழமை எஸ். துரைராஜா, ஏ.எச்.எம்.டி. நவாஸ் மற்றும் ஷிரான் குணரத்ன ஆகிய மூவரடங்கிய உச்ச நீதிமன்ற பெஞ்ச் முன்னிலையில் பரிசீலனை செய்யப்பட்டு, மேலதிக விசாரணைகள் எதிர்வரும் 23ஆம் திகதிக்கு ஒத்திவைக்கப்பட்டது.

ஆனால் தபால் மூல வாக்களிப்பு எதிர்வரும் 22ஆம் திகதி நடைபெறும் எனத் தகவல் வெளியாகியுள்ளதாக பிரேரணையில் குறிப்பிடப்பட்டுள்ளது.

இதன்படி, மேலதிக பரிசீலனைக்காக தபால் வாக்கெடுப்புக்கு முன்னர் இது தொடர்பான மனுவை இம்மாதம் 17, 20 அல்லது 21 ஆம் திகதிகளில் ஒத்திவைக்குமாறு கோரப்பட்டுள்ளதாக   தெரிவிக்கப்படுகின்றது.

மேலும் இது தொடர்பான உண்மைகளை உறுதி செய்ய, சம்பந்தப்பட்ட மனு எஸ். துரைராஜா, ஏ.எச்.எம்.டி.நவாஸ் அல்லது ஷிரான் குணரத்ன ஆகிய மூவரில் ஒருவரான நீதிபதிகள் குழாம் முன்னிலையில் இம்மாதம் 14, 15 அல்லது 16ஆம் திகதிகளில் திறந்த நீதிமன்றில் உத்தரவு பிறப்பிக்கப்பட வேண்டும் என அந்த மனுவில் மேலும் கோரப்பட்டுள்ளது.

உள்ளூராட்சி மன்றத் தேர்தலை ஒத்திவைக்கும் உத்தரவை பிறப்பிக்கக் கோரி ஓய்வுபெற்ற கேணல் தாக்கல் செய்த மனு உச்ச நீதிமன்றத்தில் கடந்த வெள்ளிக்கிழமை அழைக்கப்பட்ட போது, ​​தேர்தல்கள் ஆணைக்குழு சார்பில் ஆஜரான ஜனாதிபதி சட்டத்தரணி சாலி பீரிஸ், சட்ட அடிப்படை இல்லை எனத் தெரிவித்து ஆரம்ப ஆட்சேபனைகளை முன்வைத்தார்.  

மனுதாரர் சார்பில் ஆஜரான ஜனாதிபதி சட்டத்தரணி பைஸ் முஸ்தபா ஆரம்ப ஆட்சேபனைகளுக்கு பதிலளிக்கும் போது வழக்கின் ஆவணங்கள் தொடர்பில் தெளிவின்மை ஏற்பட்டுள்ளதால் அதன் மேலதிக விசாரணையை எதிர்வரும் 23ஆம் திகதிக்கு ஒத்திவைக்க நீதிமன்றம் தீர்மானித்துள்ளது.

இச்செய்திக்கு பிரதான அனுசரணை

வீடியோ இங்கே