மிகவும் சூட்சுமமான முறையில் ஹெரோயின் விற்பனை செய்த நபர் கைது

ஹெரோயின் கடத்தலில் ஈடுபட்ட நபர் ஒருவரை கொழும்பு தெற்கு பிரிவு ஊழல் தடுப்பு பிரிவினர் கைது செய்துள்ளனர்.

போதைப்பொருள் வாங்குபவர்கள் பணத்தை செலுத்திய பின்னர், குறித்த போதைப்பொருளை ஒரு குறிப்பிட்ட இடத்தில் இரகசியமாக மறைத்து வைத்து சந்தேக நபர் அந்த இடத்தை படம் பிடித்து வாட்ஸ்அப் மூலம் வாங்குபவர்களுக்கு தெரியப்படுத்துவதும் தெரியவந்துள்ளது.

பண்டாரவளை, நுவரெலியா, ஹப்புத்தளை, பதுளை, கிருலப்பனை, இரத்மலானை, பிலியந்தலை ஆகிய இடங்களில் கையடக்க தொலைபேசி பணப்பரிமாற்ற முறை மூலம் பணம் பெற்றுக்கொண்டு போதைப்பொருள் கடத்தல்களை மேற்கொண்டு வரும் நபர் ஒருவர் தொடர்பில் கொழும்பு தெற்கு பிரிவு ஊழல் தடுப்பு பிரிவிற்கு தகவல் கிடைத்துள்ளது.

அதன்படி விசாரணைகளை மேற்கொண்ட பொலிஸார் கிருலப்பனையில் 580 மில்லி கிராம் ஹெரோயினுடன் 31 வயதுடைய ஒருவரை கைது செய்தனர்.

அவரது செல்போனை சோதனை செய்த பொலிசார், அவர் வேறொருவரிடம் ஹெரோயின் வாங்கியது தெரியவந்தது.

அதன்பிறகு, ஹெராயின் வாங்க விரும்புவதாகக் கூறியதை அடுத்து, அந்த நபரை அழைத்து வந்து காவலில் எடுத்த பொலிஸார், அவரிடமிருந்த 1,450 ஹெராயின் பாக்கெட்டுகள் விற்பனைக்குத் தயாராக இருந்ததைக் கண்டுபிடித்தனர்.

இச்செய்திக்கு பிரதான அனுசரணை

வீடியோ இங்கே