ஏனைய நாடுகளின் பயண ஆலோசனைகளை மீளாய்வு செய்யுமாறு இலங்கை வெளிவிவகார அமைச்சர் அலி சப்ரி வலியுறுத்து

இலங்கையின் ஸ்திரத்தன்மையை பிரதிபலிக்கும் வகையில், சுற்றுலாப் பயணிகளின் வருகையை மேலும் ஊக்குவிக்கும் வகையில், ஏனைய நாடுகளின் பயண ஆலோசனைகளை மீளாய்வு செய்யுமாறு இலங்கை வெளிவிவகார அமைச்சர் அலி சப்ரி நேற்று வலியுறுத்தியுள்ளார்.

கொழும்பைத் தளமாகக் கொண்ட இராஜதந்திரப் படையணிக்கு இலங்கையின் தற்போதைய அபிவிருத்திகள் குறித்து விளக்கமளித்த சப்ரி, இலங்கையின் பொருளாதார மீட்சிக்கு சர்வதேச சமூகம் வழங்கிய ஆதரவிற்கு நன்றி தெரிவித்ததோடு, இது தொடர்பான முன்னேற்றம் குறித்து இராஜதந்திரிகளுக்கு விளக்கினார்.

2022 டிசம்பர் மற்றும் 2023 ஜனவரியில் ஜனாதிபதியால் சர்வகட்சி மாநாட்டை கூட்டுவது மற்றும் நல்லிணக்கத்திற்கான அமைச்சரவை உபகுழுவை ஜனாதிபதி நியமித்தமை உள்ளிட்ட நல்லிணக்கத்திற்காக அரசாங்கம் எடுத்துள்ள முயற்சிகளை அமைச்சர் எடுத்துரைத்தார்.

சர்வதேச நாணய நிதியம், உலக வங்கி மற்றும் ஆசிய அபிவிருத்தி வங்கியின் வேலைத்திட்டங்கள் தொடர்பான அரசாங்கத்தின் கட்டமைப்பு சீர்திருத்தத்தின் அபிவிருத்திகள் குறித்து ஜனாதிபதியின் தலைமை அதிகாரி சாகல ரத்நாயக்க பேசினார்.

நாட்டின் கடன் நிலைத்தன்மை, நிதிக் கண்காணிப்பு, பாதிக்கப்படக்கூடிய பிரிவினருக்கான சமூகப் பாதுகாப்பு, நல்லாட்சி மற்றும் ஊழலுக்கு எதிரான போராட்டம் ஆகியவற்றை உறுதி செய்ய அரசு எடுத்துள்ள நடவடிக்கைகளை அவர் எடுத்துரைத்தார்.

1

இச்செய்திக்கு பிரதான அனுசரணை

வீடியோ இங்கே