யுனெஸ்கோ அலுவலக உதவியாளர் ஒருவருக்கு 13 ஆண்டுகளுக்கு ரூ.60,639,544 செலுத்தப்பட்டது

பாரிஸில் உள்ள யுனெஸ்கோ அலுவலகத்திற்கு கல்வி அமைச்சின் மூலம் அலுவலக உதவியாளர் ஒருவர் 13 ஆண்டுகளுக்கு ரூ.60,639,544 செலுத்தப்பட்டது தெரியவந்தது. 2019/2020/2021 ஆம் ஆண்டுகளுக்கான கணக்காய்வாளர் நாயகத்தின் அறிக்கைகள் மற்றும் கல்வி அமைச்சின் தற்போதைய செயற்பாடுகளை ஆராய்வதற்காக இராஜாங்க அமைச்சர் லசந்த அழகியவண்ண தலைமையில் அரசாங்க கணக்குக் குழு கடந்த (20) பாராளுமன்றத்தில் கூடிய போது இது தெரியவந்துள்ளது.

 எவ்வாறாயினும், அமைச்சரவையின் அங்கீகாரத்துடன் இந்த கொடுப்பனவுகள் மேற்கொள்ளப்பட்டதாக தற்போதைய அதிகாரிகள் சுட்டிக்காட்டியுள்ளனர். அதன்படி, இந்த நிலை 2021 டிசம்பர் 31 முதல் 2022 ஜனவரி 25 முதல் அமுலுக்கு வரும் வகையில் நீக்கப்பட்டதாக இங்கு குறிப்பிடப்பட்டது. 

எவ்வாறாயினும், இந்த பதவிகளை நீக்குவதற்கு எதிராக இந்த அதிகாரி நாட்டின் சட்டத்தின் கீழ் வழக்குத் தாக்கல் செய்து 30898.56 யூரோக்களை இழப்பீடாக கோரியதாக இங்கு தெரிவிக்கப்பட்டது. அதன்படி, இது தொடர்பான அறிக்கையை ஒரு வாரத்தில் கோபா குழுவிடம் அளிக்க பரிந்துரைக்கப்பட்டுள்ளது.

இச்செய்திக்கு பிரதான அனுசரணை

வீடியோ இங்கே