இன்று முதல் 5 நாட்களுக்கு மூடப்படும் வங்கிகள்: பொருளாதாரத்தை காப்பாற்றுமா? வதந்திகளைத் தவிர்க்கவா?

இன்று முதல் 5 நாட்கள் தொடர் வங்கி விடுமுறை தொடங்குகிறது. இன்று முதல் வரும் திங்கட்கிழமை வரை, வெள்ளிக்கிழமை தவிர, மற்ற நாட்கள் விடுமுறை நாட்களாக பயன்படுத்தப்பட்டு, வெள்ளிக்கிழமையை வங்கி விடுமுறையாக அறிவிக்க அரசு சமீபத்தில் முடிவு செய்தது.

 உள்நாட்டு கடன் மறுசீரமைப்பு திட்டத்தை செயல்படுத்தும் நோக்கத்திற்காக இந்த முடிவு எடுக்கப்பட்டுள்ளது.

 பல்வேறு வதந்திகளால் சந்தையில் நிலவும் நிலையற்ற தன்மையை தடுக்கும் நோக்கில் இவ்வாறான நீண்ட விடுமுறை வழங்கப்பட்டுள்ளதாக கொழும்பு பல்கலைக்கழகத்தின் பொருளாதாரப் பிரிவின் சிரேஷ்ட விரிவுரையாளர் கலாநிதி பிரியங்க துனுசிங்க சுட்டிக்காட்டினார்.

 அந்த விடுமுறைகளுக்குப் பிறகு முழுமையான தகவல்கள் வெளியாகும் என்பதால் மீண்டும் சந்தையில் இதுபோன்ற நிலையற்ற தன்மை ஏற்படாது என்றும் தெரிவிக்கப்பட்டது.

 உள்நாட்டுக் கடனை மறுசீரமைப்பதன் மூலம் பொருளாதாரத்தை மீட்டெடுப்பதற்கு ஓரளவு அனுதாபம் ஏற்படும் என்றும் கலாநிதி பிரியங்க துனுசிங்க சுட்டிக்காட்டினார்.

 எவ்வாறாயினும், தொடர்ச்சியாக பல நாட்கள் வங்கிகளை மூடுவது பொருளாதாரத்தில் எதிர்மறையான தாக்கத்தை ஏற்படுத்தலாம் என பேராதனை பல்கலைக்கழகத்தின் பொருளாதார மற்றும் புள்ளிவிபரவியல் பிரிவின் பேராசிரியர் வசந்த அத்துகோரல தெரிவித்துள்ளார்.

 உள்நாட்டு கடனை மறுசீரமைப்பதற்கான முன்மொழிவுக்கு அமைச்சரவை நேற்று ஒப்புதல் அளித்தது. இதன்படி நாளைய தினம் பாராளுமன்ற விசேட கூட்டத்தில் இது தொடர்பில் விவாதம் நடத்தப்படவுள்ளது. இந்த முன்மொழிவு நாடாளுமன்ற நிதிக் குழுவுக்கும் அனுப்பப்படும்.

இச்செய்திக்கு பிரதான அனுசரணை

வீடியோ இங்கே