ருசியான வேர்க்கடலை பக்கோடா இப்படி செய்து பாருங்க!

தேவையான பொருட்கள்

1 கப் வேர்க்கடலை

2 டேபிள் ஸ்பூன் கடலை மாவு

 2 டேபிள் ஸ்பூன் அரிசி மாவு மிளகாய் தூள் காரத்திற்கேற்ப

 1/4 டீஸ்பூன் மஞ்சள் தூள்

 1/4 டீஸ்பூன் பெருங்காயப்பொடி

 2 டீஸ்பூன் எண்ணெய்

 உப்பு தேவையான அளவு

செய்முறை

• தோலுடன் இருக்கும் வேர்க்கடலை தான் இதற்கு சுவையாக இருக்கும்.
  
• அடுத்து மைக்ரோவேவ் சேஃப் பவுலில் எண்ணெய் தவிர மற்ற அனைத்தையும் சேர்த்து கலந்து கொள்ளவும். தேவையெனில் ஒரு தேக்கரண்டி தண்ணீர் சேர்க்கவும்.
  
• மைக்ரோவேவை ஹையில் 6 நிமிடங்கள் செட் செய்யவும். பிறகு வேர்க்கடலை கலவையை 2 நிமிடங்கள் வைத்து எடுத்து, அதில் ஒரு தேக்கரண்டி எண்ணெய் சேர்த்து கலந்துவிடவும்.
  
• பிறகு மீண்டும் 2 நிமிடங்கள் வைத்து எடுத்து மீதமுள்ள எண்ணெயைச் சேர்த்து கலந்துவிடவும்.
  
• மேலும் 2 நிமிடங்கள் வைத்தெடுத்து தட்டில் 2 நிமிடங்கள் ஆறவிடவும்.
  
• இப்பொழுது மொறுமொறுப்பான எண்ணெய் இல்லாத (மைக்ரோவேவ்) வேர்க்கடலை பக்கோடா தயார்
  
• தேவையெனில் கலந்த வேர்க்கடலை கலவையை எண்ணெயிலும் பொரித்து எடுக்கலாம்.