குதிரைவாலி பொங்கல் செய்வது எப்படி?

தேவையான பொருட்கள்:

• 1 கப் குதிரை வாலி அரிசி
  
• 1/4 கப் பாசி பருப்பு
  
• 1Tbsp மிளகு
  
• 1 Tbsp சீரகம்
  
• முந்திரி சிறிது
  
• 2 Tbsp நெய்
  
• 1 சிறிய துண்டு இஞ்சி
  
• 1 கொத்து கருவேப்பிலை
  
• உப்பு தேவையான அளவு
  

செய்முறை:

• முதலில் கடாயை அடுப்பில் அதில் பாசிப்பருப்பை சேர்த்து லேசாக வறுத்து எடுத்துக் கொள்ளவும். பின் குதிரைவாலி அரிசியைக் இரண்டு முறை தண்ணீர் வைத்து களைந்து கொள்ளவும்.
  
• பின் குக்கரை அடுப்பில் வைத்து அதனுடன் குதிரை வாலி, வறுத்த பாசிப்பருப்பு மற்றும் தேவையான அளவு உப்பு சேர்த்து பின மூன்று கப் தண்ணீர் ஊற்றி 4 விசில் வரும் வரை வேக வைத்து கொள்ளவும்.
  
• பின் குக்கர் பிரஷர் இறங்கியதும் திறந்து, வெந்த குதிரைவாலி அரிசி மற்றும் பருப்பைக் கரண்டியால் இலேசாக மசிக்கவும். கெட்டியாக இருந்தால் வெந்நீர் ஊற்றி உங்களுக்குத் தேவையான அளவிற்குத் தளர்த்திக் கொள்ளவும்.
  
• பின்னர் தேவைக்கேற்ப உப்பு சேர்க்கவும். பின்பு வாணலியை அடுப்பில் வைத்து நெய் ஊற்றிக் காய்ந்ததும், அதில், மிளகு, சீரகம், முந்திரி போட்டுச் சிவக்க வறுக்கவும். அதன் பிறகு, இஞ்சி, கறிவேப்பிலை சேர்த்துத் தாளித்துப் பொங்கலில் சேர்க்கவும்.