அமெரிக்க போர் விமானம் தென்கொரியாவில் விழுந்து விபத்திற்குள்ளாகியது!

அமெரிக்காவின் F-16 போர் விமானம் ஒன்று தென் கொரியாவில் இன்று (11.12) விழுந்து விபத்திற்குள்ளாகியதாக சர்வதேச ஊடகங்கள் தெரிவித்துள்ளன. 

பயிற்சியில் ஈடுபட்டிருந்த விமானம் ஒன்றே இவ்வாறு விழுந்து விபத்திற்குள்ளாகியதாக அறிய முடிகிறது. 

குறித்த விமானத்தின் விமானி வெளியேற்றப்பட்டதாக கூறப்படுகிறது.  குன்சானில் உள்ள அமெரிக்க விமானப்படை தளத்திற்கு அருகில் இந்த விபத்து நடந்ததாக தெரிவிக்கப்படுகிறது. 

எவ்வாறாயினும்,  தென் கொரியாவின் பாதுகாப்பு அமைச்சக செய்தித் தொடர்பாளர் இந்த அறிக்கையை உடனடியாக உறுதிப்படுத்தவில்லை என்பதுடன், தென் கொரியாவில் உள்ள அமெரிக்க ராணுவ அதிகாரிகளை உடனடியாக தொடர்பு கொள்ள முடியவில்லை என்றும் சர்வதேச ஊடகங்கள் குறிப்பிட்டுள்ளன.