வெனிசுலா ஜனாதிபதி தேர்தல் : நிக்கோலஸ் மதுரோ மீண்டும் வெற்றிவாகை சூடினார்!

வெனிசுலாவில் நடைபெற்ற அதிபர் தேர்தலில் வெற்றி பெற்ற நிக்கோலஸ் மதுரோ மூன்றாவது முறையாக அந்நாட்டின் அதிபராக பதவியேற்க உள்ளார். 

ஆனால் தேர்தல் முடிவுகள் தொடர்பாக வெளியான கணிப்புகளில் எதிர்க்கட்சிகள் முன்னிலையில் இருப்பதாக தெரிவிக்கப்பட்டுள்ளது.  

மதுரோவின் வெற்றிக்கு அமெரிக்கா தலைமையிலான மேற்கத்திய நாடுகள் எதிர்ப்பு தெரிவித்தன. தேர்தல் முடிவுகள் குறித்து தங்களுக்கு கடுமையான சந்தேகம் இருப்பதாக அமெரிக்க வெளியுறவுத்துறை அமைச்சர் அந்தோனி பிளிங்கன் தெரிவித்துள்ளார். 

வெனிசுலா மக்களின் உண்மையான கருத்தை இது பிரதிபலிக்கவில்லை என்று அவர் கூறினார்.  

அர்ஜென்டினா, பராகுவே, உருகுவே, பெரு, ஈக்வடார், பனாமா, கோஸ்டாரிகா, குவாத்தமாலா, டொமினிகன் குடியரசு ஆகிய நாடுகள் தேர்தல் முடிவை ஏற்க மாட்டோம் என கூட்டறிக்கை வெளியிட்டன.