உலகளாவிய எரிபொருள் மற்றும் நிலக்கரி விலைகள் உயர்வு மற்றும் நீர்த்தேக்கங்களில் நீர்மட்டம் குறைந்து வருவது ஆகியவற்றைக் காரணம் காட்டி, நாட்டின் எரிசக்தித் துறையில் ஒரு நெருக்கடி நிலை உருவாகியுள்ளது என்று ஜனாதிபதி அனுர குமார திசாநாயக்க தெரிவித்தார்.

தேசிய மக்கள் சக்தி (NPP) கொழும்பு மாவட்ட மே தினப் பேரணியில் உரையாற்றிய ஜனாதிபதி இவ்வாறு தெரிவித்துள்ளார். 

இதன்போது மேலும் கருத்து வெளியிட்ட அவர், , பொதுமக்களின் சுமையைக் குறைக்கும் பொருட்டு, அரசாங்கம் தற்போது ஒரு லிட்டர் டீசலுக்கு 100 ரூபாய் மானியம் வழங்கி வருவதாகக் கூறினார். "இன்று, ஒரு லிட்டர் டீசலின் உண்மையான விலை   482 ரூபாவாகும்.

ஆனால் பெட்ரோலியக் கூட்டுத்தாபனம் மற்றும் பிற நிறுவனங்கள் மூலம் அரசாங்கம் ஒரு லிட்டருக்கு  100 ரூபாய் மானியம் வழங்குவதால், நுகர்வோர் அதை  382ரூபாவிற்கு  வாங்க முடிகிறது," என்று அவர் குறிப்பிட்டார். 

 உலகளாவிய எரிபொருள் விலைகள் தொடர்ந்து அதிகரித்து வந்தபோதிலும், எரிபொருள் மானியங்களைத் தொடர்ந்து வழங்குவதற்காக அரசாங்கம்   60 பில்லியன் ஒதுக்கியுள்ளது  என சுட்டிக்காட்டிய அவர்,  எதிர்காலத்தில் வரையறுக்கப்பட்ட எரிபொருள் விலைத் திருத்தங்கள் அவசியமாகலாம் என்றாலும், பொதுமக்களுக்கு முடிந்தவரை அதிகபட்ச நிவாரணம் வழங்குவதில் அரசாங்கம் உறுதியாக உள்ளது என்றும் கூறினார். 

 "இருப்பினும், விலைகள் தொடர்ந்து அதிகரித்து வருகின்றன. நாங்கள் சிறிய அளவிலான எரிபொருள் விலை உயர்வுகளை அமல்படுத்த வேண்டியிருக்கலாம் என அவர் மேலும் தெரிவித்துள்ளார். 

லங்கா4 (Lanka4)

(வீடியோ இங்கே )