சிறைச்சாலையில் தடுத்துவைக்கப்பட்டிருந்த 37 சீன நாட்டினர் நாடு கடத்தப்பட்டனர்!

சட்டவிரோத நடவடிக்கைகளில் ஈடுபட்டிருந்தபோது கைது செய்யப்பட்டு, வெலிசரா தடுப்பு மையத்தில் தடுத்து வைக்கப்பட்டிருந்த ஆறு பெண்கள் உட்பட 37 சீன நாட்டினர் இலங்கையிலிருந்து நாடு கடத்தப்பட்டுள்ளனர். 

 இந்தக் குழுவினரை அழைத்துச் செல்ல  சீனாவிலிருந்து 11 பாதுகாப்பு அதிகாரிகள் கொண்ட குழுவும் கட்டுநாயக்கவில் உள்ள பண்டாரநாயக்க சர்வதேச விமான நிலையத்திற்கு (BIA) வந்தடைந்தது. 

 நாடு கடத்தப்பட்டவர்கள் நேற்று இரவு (04) 10:50 மணிக்கு, சீனாவின் குன்மிங் நோக்கிச் செல்லும் சைனா ஈஸ்டர்ன் ஏர்லைன்ஸ் விமானம் MU-714 மூலம் நாட்டிலிருந்து வெளியே அழைத்துச் செல்லப்பட்டனர்.

 இந்தக் குழுவினர், குடிவரவு மற்றும் குடியகல்வு விதிமுறைகளை மீறி, சட்டவிரோதமாக நாட்டில் வசித்து வந்ததாகவும், பல்வேறு சட்டவிரோத நடவடிக்கைகளில் ஈடுபட்டதாகவும் குற்றம் சாட்டப்பட்டுள்ளது.