குடா கங்கை மற்றும் மகுரு கங்கையின் மேல்மடிப் பகுதிகளில் கடந்த சில தினங்களாக பெய்து வரும் பலத்த தென்மேற்கு பருவப் பெயர்ச்சி மழையே இதற்குக் பிரதான காரணமாகும்.

நீர்ப்பாசனத் திணைக்களத்தின் ஹைட்ராலஜி பிரிவின் பணிப்பாளர் பொறியியலாளர் எல்.எஸ்.சூரியபண்டார தெரிவித்துள்ளபடி, குக்குலே கங்கை நீர்த்தேக்கத்தின் வான் கதவுகள் (Spill gates) திறக்கப்பட்டதால், அதிலிருந்து வெளியேறும் மேலதிக நீர் கீழ்நிலைப் பகுதிகளில் உள்ள ஆற்றுப் படுக்கைகளின் நீர்மட்டத்தை மேலும் உயர்த்தியுள்ளது.

களு கங்கை படுகையின் மில்லகந்த (கலவெல்லாவ) பகுதியில் அமைந்துள்ள நீர்மானியளவீட்டு நிலையத்தில், குடா கங்கையின் நீர்மட்டம் அதன் "அவதான எல்லை"யான 5.0 மீட்டரைத் தாண்டி உயர்ந்து வருவதாகப் பதிவாகியுள்ளது.

இந்த எச்சரிக்கை மே 31 ஆம் திகதி (ஞாயிற்றுக்கிழமை) காலை 10.00 மணி வரை செல்லுபடியாகும் என அறிவிக்கப்பட்டுள்ளது. இதனால் பின்வரும் பகுதிகளில் வெள்ளப் பெருக்கு ஏற்பட அதிக சாத்தியமுள்ளது: புலத்சிங்கள, மதுராவல மற்றும் பாலிந்தநுவர ஆகிய பிரதேச செயலகப் பிரிவுகளுக்குட்பட்ட தாழ்நிலப் பகுதிகள்.

குடா கங்கை மற்றும் மகுரு கங்கை ஆகிய ஆறுகளின் படுக்கைகளை ஊடறுத்துச் செல்லும் தாழ்நில வீதிகள் மற்றும் கிராமிய வீதிகள் நீரில் மூழ்கும் அபாயம் காணப்படுகிறது. பொதுமக்களுக்கான அவசர அறிவுறுத்தல்கள் பயணங்களை தவிர்க்கவும்: வெள்ள அபாயமுள்ள தாழ்நில வீதிகள் ஊடாகப் பயணிப்பதைத் தவிர்க்குமாறும், குறிப்பாக மோட்டார் வாகன ஓட்டுநர்கள் மாற்று வழிகளைப் பயன்படுத்துமாறும் அறிவுறுத்தப்பட்டுள்ளனர்.

அவசர சூழ்நிலைகளை எதிர்கொள்ளும் வகையில் மாவட்ட அனர்த்த முகாமைத்துவ பிரிவுகள் (DMC) மற்றும் பிரதேச செயலகங்கள் உஷார் நிலையில் வைக்கப்பட்டுள்ளன. ஆற்றுக்கு அருகில் வசிப்போர் வானிலை அறிக்கைகளைத் தொடர்ந்து அவதானிக்குமாறு கேட்டுக் கொள்ளப்பட்டுள்ளனர்.

லங்கா4 (Lanka4)

(வீடியோ இங்கே )