காங்கேசன்துறை முதல் கல்பிட்டி  வரையிலான கடல் பகுதிகளில் மறு அறிவிப்பு வரும் வரை கப்பல் பயணம் செய்வதைத் தவிர்க்குமாறு வானிலை ஆய்வுத் துறை எச்சரிக்கை விடுத்துள்ளது.

காங்கேசன்துறையிலிருந்து மன்னார் வழியாக கல்பிட்டி  வரையிலான கடலோரப் பகுதிகளில் காற்றின் வேகம் அவ்வப்போது மணிக்கு 60-70 கிலோமீட்டர் வரை அதிகரிக்கக்கூடும் என்றும், இப்பகுதிகள் மிகவும் கொந்தளிப்பாக மாறக்கூடும் என்றும் எச்சரிக்கை விடுக்கப்பட்டுள்ளது. 

அதேபோல் திருகோணமலையிலிருந்து முல்லைத்தீவு வழியாக காங்கேசன்துறை வரையிலும், கல்பிட்டியிலிருந்து கொழும்பு, காலி மற்றும் ஹம்பாந்தோட்டை வழியாக பொத்துவில் வரையிலும் உள்ள கடலோரப் பகுதிகளில் காற்றின் வேகம் அவ்வப்போது மணிக்கு 50-60 கிலோமீட்டர் வரை அதிகரிக்கக்கூடும் என்றும் முன்னறிவிக்கப்பட்டுள்ளது. 

கொழும்பு, காலி மற்றும் ஹம்பாந்தோட்டை வழியாக மன்னார் முதல் பொத்துவில் வரையிலான கடலோரப் பகுதிகளில், கடல் அலைகளின் உயரம் சுமார் 2.0 - 2.5 மீட்டர் வரை அதிகரிக்க வாய்ப்புள்ளதாகவும் சுட்டிக்காட்டப்பட்டுள்ளது. 

இச்செய்திக்கு பிரதான அனுசரணை

லங்கா4 (Lanka4)

(வீடியோ இங்கே )