இந்திய பிரதமரின் 12 ஆண்டுகால சாதனைக்கு டிரம்ப் வாழ்த்து

இந்தியாவின் மிக நீண்ட காலம் பிரதமராகப் பதவி வகித்தவர் என்ற பெருமையைப் பெற்ற பிரதமர் நரேந்திர மோடிக்கு, அமெரிக்க ஜனாதிபதி டொனால்ட் டிரம்ப் வாழ்த்து தெரிவித்துள்ளார்.

தனது 'ட்ரூத் சோஷியல்' சமூக ஊடகத் தளத்தில், டிரம்ப் பிரதமர் மோடியைத் தனது நண்பர் என்று குறிப்பிட்டதோடு, அவரை ஒரு "சிறந்த" பிரதமர் என்றும் அழைத்தார்.

"இந்தியாவின் மிக நீண்ட காலம் பிரதமராகப் பதவி வகித்தவர் என்ற பெருமையைப் பெற்ற எனது நண்பர் பிரதமர் நரேந்திர மோடிக்கு வாழ்த்துகள், அவர் ஒரு சிறந்தவர்" என்று டிரம்ப் பதிவிட்டுள்ளார்.

மேலும், பிரதமர் மோடி ஒரு வலிமையான, ஆரோக்கியமான மற்றும் புத்திசாலியான மனிதர் என்றும் அவருக்கு முன்னால் பல ஆண்டுகள் பெருமையும் வெற்றியும் காத்திருக்கின்றன என்றும் அவர் தெரிவித்துள்ளார்.

இன்று, பிரதமர் மோடி தனது 4,399 நாட்கள் பதவிக்காலத்தை நிறைவுசெய்தார். இதன் மூலம், இந்தியாவின் முதல் தேர்ந்தெடுக்கப்பட்ட பிரதமராக ஜவஹர்லால் நேரு 4,398 நாட்கள் பதவி வகித்த சாதனையை அவர் முறியடித்துள்ளார்.

இச்செய்திக்கு பிரதான அனுசரணை

வீடியோ இங்கே