16 வயதுக்குட்பட்ட சிறுவர்களுக்கு சமூக ஊடகங்கள் தடை? – பிரதமர் ஹரிணி அமரசூரிய!

நாடாளுமன்ற அமர்வின் போது, நாட்டில் சிறுவர்கள் மத்தியில் அதிகரித்து வரும் சமூக ஊடகப் பயன்பாடு மற்றும் அதனால் ஏற்படும் மனரீதியான, சமூக ரீதியான தாக்கங்கள் குறித்து கேள்வி எழுப்பப்பட்டது.

இதற்குப் பதிலளித்த பிரதமர் ஹரிணி அமரசூரிய, 16 வயதுக்குட்பட்ட சிறுவர்கள் சமூக ஊடகங்களைப் (Social Media) பயன்படுத்துவதைத் தடை செய்வது அல்லது அவர்களுக்கான அணுகலைக் கடுமையான சட்டங்கள் மூலம் கட்டுப்படுத்துவது குறித்து அரசாங்கம் மிகத் தீவிரமாகப் பரிசீலித்து வருவதாக உத்தியோகபூர்வமாக அறிவித்தார்.

முன்னெடுக்கப்படும் உயர்மட்டக் கலந்துரையாடல்கள் இந்தக் கட்டுப்பாடுகளை எவ்வாறு நடைமுறைப்படுத்துவது என்பது தொடர்பான ஆரம்பக்கட்ட முன்மொழிவுகள் மற்றும் வரைபுகள் குறித்து 'தேசிய சிறுவர் பராமரிப்பு மற்றும் பாதுகாப்புச் சங்கம்' (National Childcare and Protection Society) தற்போது விரிவான கலந்துரையாடல்களை நடத்தி வருகிறது. 

தொழில்நுட்ப ரீதியாக சிறுவர்களின் வயதை எவ்வாறு உறுதிப்படுத்துவது மற்றும் பெற்றோரின் மேற்பார்வையை எவ்வாறு அதிகரிப்பது போன்ற விடயங்கள் இதில் ஆராயப்பட்டு வருகின்றன.

சர்வதேச அமைப்புகளுடன் கூட்டுத் திட்டம் சிறுவர் பாதுகாப்புத் துறையில் சர்வதேச ரீதியில் புகழ்பெற்ற 'வேர்ல்ட் விஷன்' (World Vision) அமைப்புடன் இணைந்து, இலங்கை அரசாங்கம் இதற்கான விசேட வேலைத்திட்டம் ஒன்றில் கவனம் செலுத்தி வருகிறது. 

வளர்ந்த நாடுகளைப் போல இலங்கையிலும் சிறுவர்களுக்கான இணையப் பாதுகாப்புச் சட்டங்களை (Cyber Safety Laws) பலப்படுத்துவதே இதன் முக்கிய நோக்கமாகும்.

கட்டுப்பாட்டிற்கான பின்னணி காரணங்கள் இணையவழி மோசடிகள், சைபர் புல்லிங் (Cyberbullying), ஆபாசக் குறுஞ்செய்திகள் மற்றும் சமூக ஊடக அடிமைத்தனம் ஆகியவற்றால் நாட்டின் சிறுவர் சமூகம் எதிர்கொள்ளும் ஆபத்துக்களைக் குறைப்பதற்காகவே இந்த அதிரடி நடவடிக்கைக்கு அரசாங்கம் தயாராகி வருகின்றமை குறிப்பிடத்தக்கது.

இச்செய்திக்கு பிரதான அனுசரணை

வீடியோ இங்கே