வங்கதேசத்தின் புதிய ஜனாதிபதியாக பதவியேற்ற மூத்த அரசியல்வாதி மிர்சா ஆலம்கீர்

வங்கதேசத்தின் மூத்த அரசியல்வாதியும், பங்களாதேஷ் தேசியக் கட்சியின் (BNP) தலைவருமான மிர்சா ஃபக்ருல் இஸ்லாம் ஆலம்கீர், வங்கதேசத்தின் 23வது ஜனாதிபதியாகப் பதவியேற்றார்.

78 வயதான இவருக்கு , வங்கதேச நாடாளுமன்ற சபாநாயகர் பதவிப் பிரமாணம் செய்து வைத்தார்.

வங்கதேச ஜனாதிபதியின் அதிகாரப்பூர்வ இல்லமான பங்கபவனில் உள்ள தர்பார் ஹாலில் இந்தப் பதவியேற்பு விழா நடைபெற்றது.

எதிர்க்கட்சி வேட்பாளரான ஓய்வுபெற்ற கர்னல் ஓலி அகமது பெற்ற 88 வாக்குகளுக்கு எதிராக, ஆலம்கீர் 255 வாக்குகளைப் பெற்ற ஒரு நாள் கழித்து இந்தப் பதவியேற்பு நடைபெற்றது. 

வங்கதேச அரசியலில் நீண்டகாலப் பணிக்குப் பிறகு ஆலம்கீர் ஜனாதிபதி பதவிக்கு உயர்ந்துள்ளார். 

இக்காலகட்டத்தில் அவர் பி.என்.பி-யின் பொதுச் செயலாளராகப் பணியாற்றி, கட்சியின் மிக முக்கியத் தலைவர்களில் ஒருவராக உருவெடுத்தார்.