ஐரோப்பிய ஒன்றியத்தின் புதிய விதிகள்: தொலைபேசி பேட்டரிகளை எளிதில் மாற்றலாம்!

2027ஆம் ஆண்டு முதல் ஸ்மார்ட்போன்கள் உள்ளிட்ட மின்னணு சாதனங்களின் பழுதுபார்க்கும் வசதியை அதிகரிக்கும் புதிய விதிமுறைகளை ஐரோப்பிய ஒன்றியம் அறிமுகப்படுத்தவுள்ளதாக தெரிவிக்கப்பட்டுள்ளது.

இதன் மூலம், தொலைபேசிகளின் பேட்டரிகளை எளிதாக மாற்றும் வகையில் வடிவமைக்கப்படுவதுடன், முக்கியமான உதிரிப் பாகங்களும் நீண்ட காலத்திற்கு கிடைக்கச் செய்யப்பட வேண்டும்.

இந்த நடவடிக்கைகள் மூலம் சாதனங்களின் பயன்பாட்டு காலத்தை நீட்டிப்பது, மின்னணுக் கழிவுகளை (E-waste) குறைப்பது மற்றும் பழுதான சாதனங்களை உடனடியாக மாற்றுவதற்கு பதிலாக அவற்றை எளிதில் பழுதுபார்த்து மீண்டும் பயன்படுத்துவதை ஊக்குவிப்பதே நோக்கமாகும்.