ஈராக்கில் 7 பிரான்ஸ் நாட்டினருக்கு ஆயுள் தண்டனை
IS குழுவில் சேர்ந்ததற்காக 7 பிரான்ஸ் நாட்டினருக்கு ஈராக் நீதிமன்றத்தில் சிறை தண்டனை விதிக்கப்பட்டுள்ளது.
இஸ்லாமிய அரசு குழுவில் சேர்ந்தது மற்றும் அச்சத்தைப் பரப்பியது ஆகிய குற்றச்சாட்டுகளின் பேரில், ஈராக்கின் பயங்கரவாத எதிர்ப்புச் சட்டத்தின் கீழ் இந்தத் தண்டனைகள் வழங்கப்பட்டதாக தலைமை நீதிபதி குறிப்பிட்டுள்ளார்.
குற்றம் சாட்டப்பட்டவர்களின் இளமைப் பருவம் காரணமாக, அவர்களுக்கு மரண தண்டனைக்குப் பதிலாக ஆயுள் தண்டனை வழங்க நீதிமன்றம் முடிவு செய்ததாக அவர் தெரிவித்துள்ளார்.
2014ல் ஈராக் மற்றும் சிரியாவின் பெரும் பகுதிகளைக் கைப்பற்றிய இஸ்லாமிய அரசு குழுவானது, 2019ல் அமெரிக்க தலைமையிலான கூட்டணி மற்றும் உள்ளூர் படைகளால், அது சுயமாக அறிவித்த பிரதேசத்திலிருந்து விரட்டியடிக்கப்பட்டது.
அந்தப் பயங்கரவாதக் குழுவின் எஞ்சியவர்கள் இன்னும் தீவிரமாகச் செயல்பட்டு வருகின்றனர், மேலும் அதன் பல உறுப்பினர்கள் கைது செய்யப்பட்டுள்ளமை குறிப்பிடத்தக்கது.
