சுவிட்சர்லாந்தில் கடந்த கோடைகால வெப்ப அலையால் 1,200க்கும் மேற்பட்டோர் உயிரிழப்பு
சுவிஸ் வெப்பமண்டல மற்றும் பொது சுகாதார நிறுவனம் (Swiss TPH) வெளியிட்ட மதிப்பீடுகளின்படி, கடந்த கோடைகாலத்தில் (மே முதல் ஆகஸ்ட் வரை) ஏற்பட்ட வெப்ப அலையினால் சுமார் 1,260 பேர் உயிரிழந்துள்ளனர்.
இந்தத் தற்காலிக எண்ணிக்கை, 2003ம் ஆண்டில் பதிவான உச்ச அளவிலான உயிரிழப்புகளுக்கு இணையானதாகும்.
பதிவுகள் தொடங்கப்பட்ட காலத்திலிருந்தே, சுவிட்சர்லாந்தில் 2003ம் ஆண்டு ஏற்பட்ட வெப்ப அலையை விஞ்சும் வகையில், மிக வெப்பமான கோடைகாலமாக இது அமைந்தது.
மே முதல் ஆகஸ்ட் வரையிலான காலத்தில் நிகழ்ந்த 1,257 மரணங்களுக்கு, அதிக வெப்பநிலையே காரணமாக இருந்திருக்கக்கூடும் என்று புள்ளிவிவரங்கள் தெரிவிக்கின்றன.
இது, மக்கள் தொகையில் ஒவ்வொரு 1,00,000 பேருக்கும் 14 மரணங்கள் என்ற விகிதத்திலும், அந்த காலகட்டத்தில் நிகழ்ந்த மொத்த மரணங்களில் 5.5 சதவீதமாகவும் உள்ளது.
வெப்பம் தொடர்பான மரணங்களில் சுமார் 85 சதவீதம் பேர், 75 வயது அல்லது அதற்கு மேற்பட்டவர்கள் ஆவர்.
சுவிட்சர்லாந்தைப் பொறுத்தவரை, இயற்கை பேரிடர்களில் அதிக உயிரிழப்புகளை ஏற்படுத்தும் காரணியாக வெப்பம் உள்ளது.
