யாழில் மோட்டார் சைக்கிள் விபத்தில் குருக்கள் ஒருவர் பலி.

யாழ்ப்பாணத்தில் குருக்கள் ஒருவர் மோட்டர் சைக்கிள் விபத்தில் காயமடைந்து பின்னர் உயிரிழந்துள்ளார். இச் சம்பவத்தில் ஆனைக்கோட்டையை சேர்ந்த இரத்தினசபாபதி ஜெகதீஸ்வர குருக்கள் (வயது 70) என்பவரே உயிரிழந்துள்ளார்.

நேற்று முன்தினம் மதியம் , குறித்த குருக்கள் கோவில் பூசை முடித்துவிட்டு மோட்டார் சைக்கிளில் வீடு திரும்பிக் கொண்டிருந்தார்.

இதன்போது, எதிரேவந்த மோட்டார் சைக்கிள் மோதியதில் விபத்து ஏற்பட்டதாக கூறப்பட்டது.

இவ்விபத்தில் படுகாயமடைந்து குருக்கள் வைத்தியசாலையில் அனுமதிக்கப்பட்டு அங்கிருந்து சிகிச்சை பலனின்றி உயிரிழந்துள்ளார்.