உணவு நெருக்கடி சுமார் 4 முதல் 5 மில்லியன் மக்களை பாதிக்கும் - பிரதமர்
உணவுப் பற்றாக்குறையினால் சுமார் 4 முதல் 5 மில்லியன் மக்கள் நேரடியாகப் பாதிக்கப்படுவார்கள் எனத் தெரிவித்த பிரதமர் ரணில் விக்கிரமசிங்க, 225 பிரிவுகளிலும் உணவுப் பாதுகாப்புத் திட்டங்களைப் பொறுப்பேற்குமாறு அனைத்து பாராளுமன்ற உறுப்பினர்களிடமும் கேட்கப்படும் என்று நேற்று தெரிவித்தார்.
உணவுப் பாதுகாப்பு தொடர்பான குழுவின் கூட்டத்தின் போது பிரதமர் அலுவலகத்தில் நேற்று நடைபெற்ற கூட்டத்தில் பேசிய பிரதமர், உணவு நெருக்கடியானது எதிர்காலத்தில் நான்கிலிருந்து ஐந்து மில்லியன் இலங்கையர்களை நேரடியாகப் பாதிக்கக் கூடியதாக இருந்தாலும், அதனைக் கட்டுப்படுத்த நடவடிக்கை எடுக்கப்படும் என்றார்.
குறிப்பாக குழந்தைகள் மற்றும் பெரியவர்கள் மீது அதிக கவனம் செலுத்துமாறு அதிகாரிகளுக்கு பிரதமர் அறிவுறுத்தினார்.
உணவு நெருக்கடியைக் குறைப்பதற்கான முயற்சிகளை ஆராய்வதற்காக நாடாளுமன்ற உறுப்பினர் நிமல் லான்சா தலைமையிலான குழுவொன்றை நியமிக்குமாறு அவர் பணித்தார்.
இந்தக் குழுவினால் தயாரிக்கப்பட்ட திட்டத்தை இரண்டு வாரங்களுக்குள் தாம் விரும்புவதாக பிரதமர் வலியுறுத்தினார்.
நாட்டில் உள்ள 336 பிரதேச செயலகங்களின் இலக்குகளை அபிவிருத்தி செய்வதற்கும் அதனை அடைவதற்கும் தலைமைத்துவத்தை வழங்குவதற்காக 225 பிரிவுகள் பாராளுமன்ற உறுப்பினர்களிடமும் எஞ்சியவை அமைச்சுக்கள் மற்றும் தனியார் துறைகளின் செயலாளர்கள் உள்ளிட்ட உயர் அதிகாரிகளிடமும் கையளிக்கப்பட வேண்டும் எனவும் பிரதமர் மேலும் தெரிவித்தார்.
உணவு பாதுகாப்பு திட்டத்தின் கீழ். இதற்காக பிரதேச செயலகங்களில் பட்டதாரிகளை இணைத்துக் கொள்ள முன்மொழியப்பட்டது.
மீனவ மக்களுக்கு உணவு, எரிவாயு மற்றும் எரிபொருள் வழங்குவதற்கு முன்னுரிமை வழங்குமாறு திரு.விக்கிரமசிங்க அதிகாரிகளுக்கு பணிப்புரை விடுத்தார்.
குறிப்பாக குழந்தைகள் இல்லங்கள், முதியோர் இல்லங்கள் மற்றும் மாற்றுத்திறனாளிகளுக்கான இல்லங்களில் உணவுப் பாதுகாப்பிற்கு சிறப்பு முக்கியத்துவம் அளிக்கப்பட்டது.
பிராந்திய ரீதியில் போட்டி நிறைந்த சந்தையை உருவாக்கும் நவீன விவசாய முறைக்கான நடுத்தர மற்றும் நீண்ட காலத் திட்டத்தின் அவசியத்தையும் பிரதமர் வலியுறுத்தினார்.
