எந்த இக்கட்டான சூழ்நிலையிலும் இலங்கைக்கு அமெரிக்கா ஆதரவளித்துள்ளது: ஜனாதிபதி
எந்தவொரு இக்கட்டான சூழ்நிலையிலும் அமெரிக்கா இலங்கைக்கு ஆதரவளித்துள்ளதாக ஜனாதிபதி ரணில் விக்கிரமசிங்க தெரிவித்துள்ளார்.
கொழும்பில் அமைந்துள்ள அமெரிக்க தூதரகத்தின் புதிய கட்டிடத்தை திறந்து வைக்கும் நிகழ்வில் கலந்து கொண்டு உரையாற்றும் போதே ஜனாதிபதி இந்த கருத்துக்களை வெளியிட்டதாக ஜனாதிபதி ஊடகப் பிரிவு அறிவித்துள்ளது.
இலங்கைக்கும் அமெரிக்காவிற்கும் இடையிலான 74 வருடகால உறவுகளை வலுப்படுத்த பல நடவடிக்கைகள் எடுக்கப்பட்டுள்ளதாகவும் ஜனாதிபதி குறிப்பிட்டுள்ளார்.
இறுதி யுத்தத்தின் போது இலங்கைக்கும் அமெரிக்காவிற்கும் இடையிலான இராஜதந்திர உறவுகள் மற்றும் பரஸ்பர புரிந்துணர்வு தொடர்பிலும் ஜனாதிபதி இதன்போது கருத்து வெளியிட்டுள்ளார்.
2001ஆம் ஆண்டு அமெரிக்க ஜனாதிபதி ஜோர்ஜ் புஷ் பிரதமராக இருந்த போது இலங்கைக்கு வழங்கிய ஆதரவுக்கு ஜனாதிபதி ரணில் விக்கிரமசிங்கவும் நன்றி தெரிவித்துள்ளார்.
2004 சுனாமி அனர்த்தத்தின் பின்னர் இலங்கையை மீட்க பில் கிளிண்டன் தலைமையிலான அமெரிக்க அரசாங்கம் வழங்கிய ஆதரவையும் ஜனாதிபதி நினைவு கூர்ந்துள்ளதாக ஜனாதிபதி ஊடகப் பிரிவு அறிவித்துள்ளது.
தற்போது நாடு எதிர்கொண்டுள்ள இக்கட்டான நேரத்தில் அமெரிக்க ஜனாதிபதி ஜோ பிடனின் தலையீட்டின் ஊடாக இந்தப் பருவத்தை வெற்றியடையச் செய்வதற்கு நாட்டுக்கு வழங்கிய ஆதரவிற்கு ஜனாதிபதி ரணில் விக்கிரமசிங்கவும் தனது பாராட்டுக்களை தெரிவித்துள்ளார்.
